காலிஃப்ளவரை கொதிக்கும் தண்ணீரில், மஞ்சள் தூள் உப்புடன் சேர்த்து 2 நிமிடம் கொதிக்க விட்டு வடிகட்டி வைக்கவும். இதில் கார்ன்ஃப்ளார், மைதா, மிளகாய்த்தூள், சிறிதளவு உப்பு சேர்த்து நன்கு பிசறி வைக்கவும்.

வாணலியில் எண்ணெய் ஊற்றி காய்ந்ததும் காலிஃப்ளவரை கெட்டியாக பிடித்து எண்ணெயில் பொரித்து எடுக்கவும்.

மற்றொரு வாணலியில் 1டேபிள் ஸ்பூன் எண்ணெய் ஊற்றி காய்ந்ததும் பூண்டு சேர்த்து 1 நிமிடம் வதக்கவும். இதில் வெங்காயம், பச்சை மிளகாய், குடைமிளகாய் சேர்த்து உப்பு சிறிது சேர்த்து 2 நிமிடம் வதக்கவும்.

இதில் சோயா சாஸ், சில்லி சாஸ், டொமேட்டோ கெட்சப் சேர்த்து கலந்து 1டீஸ்பூன் கார்ன்ஃப்ளாரை சிறிது தண்ணீர் சேர்த்து கரைத்து ஊற்றி நன்கு வதக்கவும். இதில் மிளகுத்தூள், கொத்தமல்லித்தழை சேர்த்து வதக்கி இறக்கவும் சூடாகப் பரிமாறவும். எல்லோருக்கும் மிகவும் பிடித்தமான காலிஃப்ளவர் மன்சூரியன் ரெடி.