முதலில் துவரம் பருப்பையும் பச்சரிசியும் அரை மணி நேரம் ஊற வைக்கவும்.. ஒரு பாத்திரத்தில் தயிரை விட்டு நன்றாக கட்டிகள் இல்லாமல் கரைத்துக் கொள்ளவும்..

ஊறிய அரிசி பருப்பை மிக்ஸி ஜாரில் சேர்த்து அத்துடன் பச்சை மிளகாய் சேர்த்து நன்றாக அரைத்து கரைத்து வைத்துள்ள மோரில் கலந்து விடவும்..

அதே ஜாரில் தேங்காய் சீரகம், வெங்காயம் சேர்த்து நன்றாக அரைத்து அதையும் கரைத்த மோருடன் கலக்க வேண்டும்

அதனுடன் தேவையான அளவு உப்பு, மஞ்சள் தூள் சேர்த்து கலந்து அடுப்பில் வைத்து பொங்கி வரும் வரை வைக்கவும்

மோர் குழம்பு கொதிக்க வைக்க கூடாது கொதிக்க வைத்தால் திரிந்து போய்விடும்.. அது ரசம் போல் பொங்கி வரும் போது அடுப்பை அணைத்து விடவும்.. கடாயில் எண்ணெய் ஊற்றி கடுகு, கருவேப்பிலை, மிளகாய் வற்றல், வடகம் தாளித்து மோர் குழம்புடன் சேர்க்கவும் இறுதியாக சிறிதளவு கொத்தமல்லி தழையை தூவினால் மணமாக இருக்கும்...

இப்போது சூடான சுவையான மோர் குழம்பு தயார்..