Da farko za'a tankade filawa a roba,a saka mishi gishiri kadan,sikari kadan sai a gauraye su,a zuba ruwan dumi a kofi a saka mishi yis a ciki sai a gauraya,a zuba acikin wannan filawan ana gauraya shi har kwabin yayi daidai ba ruwa-ruwa ba kuma ba kauri ba,kaman da kwabin fanke, sai a rufe shi da marfi a saka a rana ko waje mai zafi don ya tashi (ma'ana ya kumburo).

Idan ya kumburo sai a shafa mai a cikin robobi ko gwangwani sai a zuba kullin a ciki,a daura tukunya a kan wuta à saka a ciki sai a daura kwalanda a kai sai a jera robobin a sama a rufe a barshi ya turaru har ya nuna.

(Miyar kuma) za'a zuba markadadden kayan miya a tukunya,a zuba attarugu da albasa a soyashi da mai kadan sai a saka ruwa daidai sinadarin dandano a barshi ya nuna,idan ya rage ruwan kadan sai a saka yankaken alaiyafo a barshi ya turaru sai a sauke aci da alkubus.