ઢોકળાં ના લોટ માટે 1 વાટકી ચોખા માં 1/2 વાટકી ચણા દાળ ઉમેરી ઘંટી માં દળી લેવો જેમાં દહીં, હળદર પાઉડર નાખી 6 થી 7 કલાક આથો આવે ત્યાં સુધી ગરમ જગ્યા પર મુકવું.

દૂધી છીણી લો અને આદું મરચાં લસણ ની પેસ્ટ બનાવી લો. મિશ્રણ માં દૂધી, આદું મરચાં લસણ ની પેસ્ટ, ખાંડ, મીઠું ઉમેરીને બરાબર મિક્સ કરી લો.

હવે ઢોકળાં ના કુકર માં પાણી લઈ ગરમ કરો. ત્યાં સુધી ઢોકળાં ની થાળી ને તેલ થી ગ્રીસ કરી લો. ત્યાર બાદ મિશ્રણ માં સોડા કે ઈનો ઉમેરી ઉપર 2 ટી સ્પૂન તેલ ઉમેરી બરાબર હલાવી મિશ્રણ ને થાળી માં પાથરવું.

ઉપર થી લાલ મરચું ભભરાવી વરાળ થી બાફવા મૂકો.20 મિનિટ માં ઢોકળાં તૈયાર થશે.. ચપ્પુ થી ચેક કરી લો જો ચોંટે નહીં તો ઢોકળાં તૈયાર થઈ ગયા કેહવાય..

વઘાર કરવા માટે એક પેન માં તેલ મૂકી તેમાં રાઈ તતડાવી હિંગ, મીઠો લીમડો, લીલા મરચાં, તલ નાખી ગેસ બંધ કરી મિશ્રણ ને તૈયાર ઢોકળાં પર રેડવું. આમાં શીંગ તેલ વધારે સારું લાગે છે. તો સરસ મજાના સોફ્ટ દૂધી ના ઢોકળાં તૈયાર થશે જે સ્વાદ માં ખૂબ સરસ લાગે છે.

પોચા પોચા ઢોકળાં ને ઈચ્છાનુસાર પ્લેટિંગ કરી સર્વ કરી શકાય છે.

મેં અહીં થોડાં ઢોકળાં અલગ મોલ્લડ માં પણ સ્ટીમ કર્યા છે. જે પણ ખૂબ આકર્ષક લાગે છે.