સૌ પ્રથમ મગ દાળ ને ધોઈ ને ૩૦ મિનિટ માટે પલાળી દો.ત્યાર બાદ તેને એક મિક્સર જાર મા લઈ લો.હવે તેમાં લીલા મરચાં અને આદુ નાખો.જરૂર મુજબ થોડું પાણી ઉમેરી અને ક્રશ કરી અને ખીરું તૈયાર કરી લો.હવે તેને એક બાઉલ મા કાઢી લો.

ત્યાર બાદ તેમાં હિંગ,મીઠું અને હળદર ઉમેરો.ત્યાર બાદ તેમાં છીણેલી દૂધી ઉમેરી લો અને બધું બરાબર મિક્ષ કરી લો.ત્યાર બાદ તેમાં ઈનો અને થોડું પાણી ઉમેરી ને ફરીથી બરાબર હલાવી લો.

હવે એક કડાઈમાં પાણી ગરમ કરો અને તેના ઉપર એક થાળી ને તેલ લગાવી ને ગરમ કરો.ત્યાર બાદ બનાવેલું ખીરું તેમાં નાખી દો.ઉપર થી થોડું લાલ મરચું છાંટી લો.હવે તેને ઢાંકી ને ૧૦ મિનિટ માટે ચડવા દો.

હવે એક કડાઈમાં વઘાર માટે તેલ ગરમ કરો.તેલ ગરમ થાય એટલે તેમાં રાઈ, હિંગ અને લીમડો નાખો અને આ વઘાર બનાવેલા ઢોકળા ઉપર રેડી દો.હવે તેના કાપા પડી દો.ઉપર થી થોડી સમારેલી કોથમીર છાંટી લો.મે અહી નથી છાંટી.

હવે તેને આંબલી ની ચટણી સાથે સર્વ કરો.તો તૈયાર છે દૂધી મગ દાળ ના ઢોકળાં.

નોંધ: વઘાર મા સફેદ તલ પણ લઈ શકાય.