લીલી ડુંગળી ટામેટાં નું શાક બનાવવા માટે સૌ પ્રથમ 3 નંગ લીલી ડુંગળી,
1 નંગ ટામેટું સમારી લેવું.

હવે એક વાસણ માં 1 ટેબલ ચમચી તેલ ગરમ કરી...
તેમાં ચપટી જીરું, ચપટી હીંગ, ચપટી હળદર તેમજ ચપટી લાલમરચું નાખી
તેમાં સમારેલા લીલા કાંદા નાખી દેવા.

ત્યાર બાદ તેને બરોબર મીક્ષ કરી તેમાં ચપટી મીઠું નાખવું.
ત્યાર બાદ તેને બરોબર મીક્ષ કરી તેમાં સમારેલા ટામેટા નાખવા.

હવે તેમાં 1 ટી ચમચી લાલમરચું પાઉડર, 1/2 ટી ચમચી ધાણા જીરું પાઉડર,
અને ચપટી મીઠું નાખી બરોબર મીક્ષ કરી લેવું.

શાક ને ધીમા તાપે ટામેટા થોડા પોચા થાય
ત્યાં સુધી ચઢવા દેવું વચ્ચે વચ્ચે મીક્ષ કરતા રહેવું.

તો તૈયાર છે ખૂબજ ઝટપટ બનતું એવું સ્વાદિષ્ટ લીલી ડુંગળી ટામેટાં નું શાક
કે જેને રોટલી, રોટલા, ભાખરી, થેપલા, પૂરી વગેરે સાથે ખાય શકાય છે.