સૌ પ્રથમ સારી રીતે પાણીથી ધોઈને રાખેલ
25 થી 30 તુલસીના પાન,
10 ફુદીનાનાપાન,
4 નાની ગોળ સ્લાઈસ લીલી હળદર,
4 નાની ગોળ સ્લાઈસ લીલી આંબાહળદર,
2 નાની ગોળ સ્લાઈઝ આદુ,
1/2 લીંબુ,
ચપટી મીઠું એક કાચના ગ્લાસ અથવા એક કાચના જગમાં લો

હવે ગ્લાસ જો બોરોસીલ હોય અથવા માઈક્રોવેવ પ્રુફ ગ્લાસ હોય તો
તેમાં 300 મિલી પાણી ઉમેરી તેને 1 મીનીટ ને 20 સેકન્ડ માટે 900 વૉટ પર સેટ કરી માઈક્રોવેવ મશીન માં મૂકવું.
ત્યારબાદ મશીનમાંથી બહાર કાઢી ચમચી વડે બરોબર હલાવતા જવું.

માઈક્રોવેવ મશીન ના હોય તો બહાર એક તપેલીમાં ગેસ પર 300 મીલી પાણી ગરમ કરો પણ પાણી ઉકળતું હોય તેનાથી થોડું ઓછું ગરમ હોય ત્યારે ગેસ બંધ કરી એ પાણી આપણે એકઠી કરેલી સામગ્રી માં રેડી ચમચી વડે બરોબર હલાવતા જવું.

હવે જ્યારે પાણી નવશેકું એટલે કે પી શકાય એટલું હુંફાળું તાપમાન પર આવે ત્યારે ખૂબજ ધીમી ઝડપે સીપ લેતા લેતા આ પાણી પીવાથી ખૂબજ સારા પરીણામ જોવા મળશે તેમજ જો શક્ય હોય તો પાણીમાં રહેલ તુલસીના પાન, ફુદીનાનાપાન, લીલી હળદર, આંબાહળદર, આદુ પણ પાણી સાથે ખાતા જઈશું તો ખૂબજ ફાયદો થશે.

વિશેષ નોંધઃ પ્રાથમિક તબક્કે હર્બ્સ ડીટોક્સ વોટર નું સેવન 300મીલી થી 1/2 એટલે કે 150મિલી થી કરવું તેમજ ઉંમર ને ઘ્યાન માં લઈને પ્રમાણ વધારવું કે ઘટાડવું.