Dal makhani

Name: Dal makhani
Cuisine: Indian
Ingredients: 1/2 cup Urad dal; 2 tbsp Rajma; Desi ghee 1 chammach; Namak swad anusar; 2 tsp Lal mirch powder; 2 tsp Adrak baarik kati; 2 tsp Lahsun baarik kati; 1 cup Pyaaz baarik kati; Tamatar baarik kati 1 badi; 2 tbsp Butter; Jeera 1 chutki; 8-10 Hari mirch; Garam masala 1 chutki; Dhaniya patti baarik kati

Sarvesh Bansal @cook_15071345

PATNA

Hello!! foodies!!.. aaj hum banayenge urad ki daal aur rajma se banne wali daal makhni ki recipe. Daal makhni punjab ki mashoor recipe me se ek hai. Darasal maa ki haathon ki daal to hum sab ne khayi hogi lekin iss daal makhni ko maa ki daal hi boli jati hai q ki isme maa ka pyar , aur maa ki hathon ki kamaal nazar aati hai. Daal hamare sehat ke liye bhaut hi jaruri chij hai aur agar maa ke hathon ka bna mil jaye to mja ki kuch aur hai. To aayie jante hain daal makhni banane ki vidhi hindi mein.

Sarvesh Bansal @cook_15071345

Saved

Ingredients

1/2 cupUrad dal
2 tbspRajma
Desi ghee 1 chammach
Namak swad anusar
2 tspLal mirch powder
2 tspAdrak baarik kati
2 tspLahsun baarik kati
1 cupPyaaz baarik kati
Tamatar baarik kati 1 badi
2 tbspButter
Jeera 1 chutki
8-10Hari mirch
Garam masala 1 chutki
Dhaniya patti baarik kati

Saved

Steps

1

Dal makhani banane ke liye sabse pehle urad dal aur rajma ko 8 se 10 ghante ke liye raat bhar paani me bhigo kar phulne dein.
Uske baad sabhi urad dal, rajma aur swad anusar namak daalkar ek cooker me daal kar 8 se 10 siti aane tak pakayen.
Uske baad gas flame band kar dein aur siti nikalne tak ka intezaar karein.
2

Siti nikalne ke baad dal ko acche se thoda thoda mash kar lein.
Uske baad ek kadhai me ghee aur butter garm karein.
Tel garm hone ke baad isme jeera, baarik kati lahsun aur baarik kati adrak daal dein.
Halka sunehra hone tak bhune uske baad baarik kati pyaaz daal dein aur ise bhi sunehra hone tak bhune.
Uske baad baarik kati hari mirch, lal mirch powder daalkar acche se milayein.
Uske baad kadhai me baarik kati tamatar daal dein aur acche se pakayen jab tak isse tel na nikalne lage.
3

Uske baad swad anusar namak aur thoda paani daal dein. Dhyaan rakhein dal ko pehle se namak daal kar ubala gya hai.
Gravy me namak aur paani daal kar milane ke baad ubali gayi dal ko daal dein
Gas flame high kar dein aur dal ko thodi der aur pakayen saath hi saath isme 1 chutki garam masala powder v mila dein jisse iska swad aur v accha ho jae.
Aapki dal Makhani banane ki vidhi hindi mein bankar tayyar hai.
Garnish karein baarik kati dhaniya patti ke saath aur garma garam parosein.