પાકા કેળાં નું શાક બનાવવા માટે સૌ પ્રથમ કેળાં ને ધોઈ તેના બે ભાગ કરી વચ્ચે મસાલો ભરવા માટે કાપા કરી લેવા. હવે એક બાઉલમાં બધા મસાલા ધાણાજીરું, લાલ મરચું, હળદર, મીઠું અને ગરમ મસાલો લેવા. હવે તેમાં 3 ચમચી તેલ નાખી ચમચી થી મિક્સ કરી લેવું.

હવે મસાલો મિક્સ કર્યા બાદ ચમચી થી કેળાં માં મસાલો ભરી લેવો. આમ બધા કેળાં માં મસાલો ભરી લેવો.

હવે કૂકરમાં 4 ચમચી તેલ નાખી ગરમ થાય એટલે તેમાં રાઈ,જીરું અને હિંગ સતળાઈ જાય એટલે તેમાં મસાલો ભરેલા કેળાં એડ કરી દેવા. હવે જો મસાલો ભરાતા વધ્યો હોય તો માથે છાંટી દેવો અને 2-3 ચમચી જેટલું પાણી છાંટી કુકર બંધ કરી દેવું.

હવે કૂકરમાં ફક્ત એક જ વહીસલ વાગે એટલે તરત જ ગેસ બંધ કરી દેવો. જો વધુ સીટી થશે તો આપણા કેળાં એકદમ ગળી જશે અને ખાવા માં જરા પણ મજા નય આવે માટે ખાસ ધ્યાન રાખવું. ફક્ત એક જ વહીસલ માં આપણું શાક તૈયાર. તો છે ને એકદમ સહેલું ફક્ત 5 જ મિનિટમાં બનતું ચટાકેદાર શાક. જ્યારે કઈ ના સુઝે ત્યારે આ શાક જરૂર ટ્રાય કરજો બધા ને ખૂબ જ ભાવશે. તો તૈયાર છે આપણું પાકા કેળાં નું ભરેલું શાક તમે આ શાક ભાખરી, રોટલી કે પરોઠા સાથે સર્વ કરી શકો છો.