સૌપ્રથમ સાબુદાણાને સારી રીતે ધોઈ બે થી ત્રણ કલાક પાણીમાં પલાળી રાખો. તેમજ બટેટાને ઝીણા સમારી લો.

આદુ-મરચા ને ઝીણા સમારી લ્યો તેમજ ખારી સીંગ કે શેકેલા સીંગદાણા ને અધકચરા વાટી લો. વઘાર માટે તેલ ગરમ કરવા મૂકો તેમાં જીરું નાખી આદુ-મરચા ઉમેરી દો.

હવે તેમાં લીમડો તેમજ ઝીણા સમારેલા બટેટા ઉમેરી થોડા સંતળાય એટલે તેમાં મીઠું ઉમેરી દો. ત્યારબાદ પલાળેલા સાબુદાણા અને શીંગનો ભૂકો સરસ મિક્સ કરી દો. તેમાં લાલ મરચું પાવડર અને લીંબુનો રસ નાખી હળવા હાથે મિક્સ કરી થોડી વાર પકાવો.

થોડીવાર બાદ કોથમરી ઉમેરી ગેસ બંધ કરી દો તૈયાર છે સાબુદાણાની ખીચડી.