તુવેરદાળ ધોઈને કૂકરમાં બાફી લો અને બ્લેન્ડ કરી લો.ત્યારબાદ તેમાં જરૂરી પાણી ઉમેરી લીલા મરચાંના ટુકડા, ક્રશ કરેલું આદુ,શીંગદાણા,આંબલીનો પલ્પ,સુધારેલા ટામેટા,ધાણા જીરું,મીઠું,હળદર,લાલ મરચું પાવડર,ગોળ ઉમેરી ઉકળવા મૂકો.

બરાબર ઉકળી જાય એટલે ગરમ મસાલો ઉમેરી 2 મિનિટ ઉકળવા દો.પછી ઉતારી ઢાંકી દો.વઘારીયામાં તેલ ગરમ કરી તેમાં રાઈ,ઉમેરો.તતડે પછી જીરું ઉમેરો.મેથી,બાદિયા,તજપત્તુ,લીમડાનાં પાન,આખું સૂકુ લાલ મરચું અને હિંગ- મરચું પાવડર ઉમેરી અને વઘાર દાળમાં ઉમેરી દો.કોથમીર ઉમેરી દો.

તૈયાર છે ટેસ્ટી વરાની પરંપરાગત દાળ.સર્વિંગ માટે દાળ બાઉલમાં લઈ પ્લેટમાં સાથે ભાત અનમોલ્ડ કરી સર્વ કરો.પહેલાંના સમયમાં અને હાલ બ્રહ્મચોયૉશી ભોજનમાં આ રીતે બનાવેલ વરાની દાળ ચુરમાના લાડુ સાથે સબડકા બોલાવી લીજ્જતથી ખવાય છે.