एका भांड्यामध्ये चमचाभर तूप गरम करून घ्या. आत्ता १.१/२ वाटी नारळाचे तीन समान भागात वाटून घ्या. यातील थोडा खोवलेला नारळ भांड्यात परतून घ्यावा. यात आत्ता संत्र्याचा पल्प घालून मध्यम आचेवर परतावे. संत्र्यास पाणी सुटते, त्यामुळे सतत परतत राहावे लागते. पाणी कमी झाले की थोडी साखर घालावी आणि पुन्हा परतावे. यात चिमुटभर वेलची पूड घालून परतावे. घट्ट गोळा होऊ लागला की एक ते दोन चमचे फ्रेश क्रीम घालून परतावे.

भांड्यात पुन्हा एक चमचा तूप घालून घ्या. यात नारळाचा दुसरा भाग घालावा. मध्यम आचेवर नारळ परतून घ्यावा. यात आत्ता साखर घालावी आणि मिश्रण एकजीव होऊ द्यावे. यात चिमुटभर वेलची पूड व एक चमचा फ्रेश क्रीम घालून परतावे. फ्रेश क्रीम मुळे पदार्थाची लज्जत वाढते शिवाय रंग ही सुंदर दिसतो. बाजरी क्रीम पेक्षा घरची साय वापरावी. जेणकरून लहान मुलांना उत्तम व ताजी ही.

आत्ता भांड्यात पुन्हा एक चमचा तूप घालून घ्या व उर्वरित नारळ आणि किसलेले बीट एकत्र परतून घ्या. बीट शिजत आले की त्यावर साखर घाला. बीट मुळात गोड असल्याने साखर बेताने घालावी. मध्यम आचेवर मिश्रण सतत परतत राहावे. यात चिमुटभर वेलची पूड व फ्रेश क्रीम घालून परतावे.