કઢી બનાવવા માટે એક તપેલીમાં છાશ લઈ તેમાં ચણાનો લોટ નાખી બ્લેન્ડર થી મિક્સ કરી લો.હવે વઘાર માટે તેલ ગરમ કરો તેમાં રાઈ જીરું અને મેથી દાણા લીમડાના પાન, તજ લવિંગ મરી આખા લાલ મરચાંનાખી હલાવી લો.હવે તેમાં લીલી ડુંગળી અને લસણ નાખી મિક્સ કરી બે મિનિટ સુધી સાંતળો પછી તેમાં છાશ ઉમેરીને બરાબર મિક્ષ કરી લો.હળદર નાખી હલાવી લો.ગોળ ઉમેરો અને બરાબર ઉકાળી લો.

૧૦-૧૨મિનિટ સુધી ઉકાળો.લીલા ધાણા નાખી લો.કઢી તૈયાર છે.

ખીચડી બનાવવા માટે એક કૂકરમાં ચોખા અને દાળ લઈ ધોઈને મીઠું સ્વાદ પ્રમાણે પાણી અને હળદર નાખીને ૪-૫સીટી વગાડી લો.બધા શાકભાજી ધોઈને ઝીણા સમારી લો.લીલી ડુંગળી અને લસણ સમય સમારી લો.

વઘારેલી ખીચડી બનાવવા માટે એક કડાઈમાં તેલ ગરમ કરો તેમાં હીંગ ચપટી રાઈ અને જીરું નો વઘાર કરી તજ, લવિંગ મરી આખા લાલ મરચાં લીમડાના પાન નાખી હલાવી લો હવે તેમાં લીલી ડુંગળી અને લસણ નાખી હલાવી લો.હવે બધા શાકભાજી ઉમેરીને મીઠું સ્વાદ પ્રમાણે નાખી ૪-૫મિનિટ ઢાંકી દો જેથી બધું ચડી જાય.

શાકભાજી ચડી જાય પછી તેમાં બનેલી ખીચડી ઉમેરીને બરાબર મિક્ષ કરી લો.ઉપરથી લીલા ધાણા નાખી બરાબર મિક્સ કરો.તૈયાર છે વઘારેલી ખીચડી.

ભડથું બનાવવા માટે મોટા રીંગણ ને ધોઈ ગેસ પરતેલ લગાવી શેકી લો.પછી છાલ કાઢી માવો કરો.ડુગળી ટામેટા કટર‌મા ઝીણા સમારી લો.લીલી ડુંગળી અને લસણ સમારી લો.ભડથુ વઘારવા માટે એક કડાઈમાં તેલ ગરમ કરો તેમાં હીંગ ચપટી રાઈ અને જીરું નાખી ચડવા દો પછી તેમાં આદુ મરચાં અને લસણ ની પેસ્ટ ઉમેરવી લીલી ડુંગળી અને લસણ નાખી હલાવી લો હવે તેમાં કાપેલા ટામેટા અને ડુંગળી નાખી ૫-૬મિનિટ સુધી સાંતળો.બધા સુકાં મસાલા ઉમેરો અનેતેલ છુટું પડે પછી રીંગણ નાખી બરાબર મિક્સ કરો.ખાડ, ગરમ મસાલો લીંબુનો રસ નાખી ચડવા દો.ઉપર થી લીલા ધાણા નાખી લો

રોટલા બનાવવા માટે એક બાઉલમાં બાજરી નો લોટ લઈ તેમાં મીઠું અને પાણી નાખી લોટ બાંધી લો હવે તેમાં થી પાટલા પર રોટલા ટીપી ગરમ તવા પર શેકી લો.બરાબર ઘી લગાડી દો.

તો તૈયાર છે આપણું શિયાળું ભાણું.ગરમ ગરમ ખાવાની મજા લો.સાથે મરચાં, ટામેટા ડુંગળી કાપીને લો.અને સાથે વ્હાલી છાશ મળે તો સ્વર્ગ મળી જાય.