મોન્સ્ટર ચોકલેટ થીકશેક

આ શેક માટે તમે તમારી કલ્પના શક્તિને પૂરી છૂટ આપી શકો છો. મેં તો મને યાદ આવ્યાં તેટલા ઈન્ગ્રેડિયન્ટસ વાપર્યા છે. અને એને બનાવવા માટેની રીત અલગ દર્શાવી છે.

ચોકલેટ ફ્રોસ્ટિંગ ઘેરે બનાવવા માટે :-
સૌ પ્રથમ તો બ્રાઉન સુગર ૩ ચમચા અને ૧ ચમચો સફેદ ખાંડ લઈ તેને મિક્સીમાં દળી પાવડર બનાવી લેવો.
માઇક્રોસેફ ગ્લાસ બાઉલમાં ૯૦ ગ્રામ ડાર્ક ચોકલેટ અને ૫૦ ગ્રામ સફેદ માખણ લઈ માઈક્રોહાઈ પર ૩૦ સેકન્ડ સુધી મેલ્ટ કરવા. બન્નેને ફોર્કની મદદથી બરાબર ભેળવી લેવાં.
મોટાં ગ્લાસ બાઉલમાં સુગર પાવડર, બટર-ચોકલેટનું મિશ્રણ અને ૫૦ ગ્રામ હેવી ક્રીમ, આ બધી વસ્તુઓ ભેગી કરી ઈલેક્ટ્રીક બિટરની મદદથી લાઈટ એન્ડ ફ્લ્ફી થાય ત્યાં સુધી બિટરને લો સ્પીડ પર રાખી બિટ કરી લેવું. ફ્રોસ્ટિંગ રેડી છે.

સૌ પ્રથમ તો મોટ્ટોબધો ગ્લાસ લઈ તેની અંદરની બાજુએ ચોકલેટ ફ્રોસ્ટિંગ વડે ડેકોરેશન કર્યું. ત્યારબાદ ગ્લાસની બહારની તરફ કીનારી પર ચોકલેટ ફ્રોસ્ટિંગ લગાવી તેનાં પર ચોકલેટ બારનાં ટુકડાઓ લગાવી ગ્લાસને ડીપફ્રીઝમાં ચીલ્ડ કરવા મૂકી દીધો, કે જેથી ચોકલેટ બરાબર સેટ થઈ જાય.

ત્યાર પછી ગ્લાસમાં અડધોભાગ ભરાય તેમ વેનીલા થીકશેક રેડી દીધો. તેમાં સાથે થોડાં કુકીઝને હાથેથી જ અધકચરા તોડી તે ચૂરો ઉમેરો.

તેની ઊપર વ્હીપ્ડ ક્રીમનું એક લેયર બનાવી ફરીથી આઈસ્ક્રીમનો સ્કૂપ મૂકી તેનાં પર ચોકલેટ સોસ, થોડો વધારે કુકીઝનો ચૂરો, થોડી ચોકલેટ ચીપ્સ વગેરે છાંટી સાઈડમાં એક વેફરરોલ, હર્શીઝ ચોકલેટ બારનાં ટુકડા વગેરે ખોંસ્યા અને સર્વ કરો 'મોન્સ્ટર ચોકલેટ શેક'!!!