સૌ પ્રથમ એક મોટા વાસણ માં લોટ લઈ બધી સામગ્રી તેમાં નાખવી ઈનો સીવાય.પછી તેમાં પાણી નાખી મીડિયમ પાતળું બેટર બનાવવું અને ત્યાર બાદ તેને ૧૦ મિનિટ ઢાંકી ને રાખવું. પછી તેમાં ઈનો નાખી એકજ તરફ ખૂબ હલાવવું.તેથી તે ધટ્ટ ફીણ જેવું બનશે.

હવે ઢોકળા ના કૂકર અથવા કડાઈ માં પાણી ગરમ કરવા મૂકી તેમાં એક કાંઠો મૂકી તેના પર થાળી મૂકી દેવી. થાળી માં તેલ ચોપડી દેવું. હવે તેમાં તે ખીરું તરતજ નાખી ને ઢાંકી ને ૧૫ મિનિટ ચડવા દેવું પછી ઉતરી તેમાં કાપા પાડી દેવા.

હવે તેના વઘાર માટે તેલ મૂકી તેમાં રાઈ, તલ નાખી તેમાં મરચું અને લીમડો નાખવો ત્યાર બાદ તેમાં ખાંડ નાખી પાણી ઉમેરવું ને થોડી વાર ઉકળવા દેવું પછી તેને ખમણ પર રેડી દેવું. તૈયાર છે નાયલોન ખમણ.