સૌપ્રથમ લોટને બેથી ત્રણ વખત ચાણીને વાસણમાં રાખો. હવે તેની અંદર પાણી નાખીને લોટનું ખીરું બનાવો.

હવે સ્ટીમરમાં પાણી નાખીને ગરમ કરવા મૂકી દો. ત્યારબાદ એક વાટકી ની અંદર લીંબુના ફૂલ, મીઠું અને સોડા બાય કાર્બ લઈ થોડું પાણી નાખો.હલાવીને ફટાફટ લોટના ખીરા ની અંદર નાખી દો અને હલાવીને દસથી પંદર મિનિટ માટે રેસ્ટ આપો.

હવે જેમાં આપણે ઢોકળા કરવા મૂકશો એ થાળીને તેલ વડે ગ્રીસ કરી લો. હવે તૈયાર કરેલા બેટર ને એકદમ હલાવીને પાણીની અંદર નાખી દો અને ખીરૂ નાખેલી થાળી સ્ટીમરમાં સ્ટીમ કરવા મૂકો.

હવે સ્ટીમરને ઢાંકી દો અને પંદરથી વીસ મિનિટ માટે ફુલ ગેસ પર રાખો.હવે ૨૦ મિનિટ બાદ નાયલોન ખમણ તૈયાર.. હવે ગેસ બંધ કરીને ખમણ ને બહાર કાઢી લો. ઠંડા થયા બાદ એના પર વઘાર કરીશું.

તો વઘાર માટે એક કડાઈમાં તેલ ગરમ કરવા મુકો. તેલ ગરમ થાય એટલે રાઈ, હિંગ, કાપેલાં મરચાં અને ખાંડ અને પાણી બધું જ નાખીને થોડું ઉકળવા દો. બે મિનિટ બાદ ગેસ બંધ કરીને તરત જ આપણે કાપેલા ખમણ છે તેની ઉપર વઘાર રેડી દો.

પાંચ મિનિટ બાદ નાયલોન ખમણ ને સર્વ કરો.મે નાયલોન ખમણ ને આથેલા મરચા સાથે સર્વ કર્યા છે. આપણે એને લાલ-લીલી ચટણી તેમજ ટોમેટો કેચપ સાથે સર્વ કરી શકીએ છીએ.