પ્રથમ બેસન ને ચાળી લઇ બાજુ રાખો.

મોટા મિક્સિંગ બાઉલમાં પાણી લો અને તેમાં ખાંડ, સાઇટ્રિક એસિડ, મીઠું અને તેલ ઉમેરો. તેને ચમચીનો ઉપયોગ કરીને અથવા હાથ થી ૪ મિનિટ માટે ફેટી લો.

આદુ-લીલા મરચાની પેસ્ટ ઉમેરો. તેને મિક્સ કરો અને બેસનનો અડધો ભાગ ઉમેરો. બરાબર મિક્સ કરો અને બાકીનું બેસન ઉમેરો. તેને સારી રીતે મિક્સ કરો અને આ મિસ્રન ને પાંચ મિનિટ માટે એક બાજુ રાખો.

સાથોસાથ સ્ટીમર તૈયાર કરો.

હવે મિસ્રન મા બેકિંગ સોડા નાખો અને તેને એક દિશામાં મિક્સ કરો.

આ મિસ્રન ને તેલ થી ગ્રીસ કરેલા ટીનમાં નાંખો અને સ્ટીમરમાં મૂકો.

તેને ૧૫ મિનિટ સુધી તેજ આંચ પર ને પછી ૧૦ મિનિટ સુધી ધીમી આંચ પર બફાવા દો. પછી ચપ્પુ ખોસી ને ચકાસી લો કે ખમણ થયા છે કે નહી. જો ચપ્પુ લોટ ચોંટે તો વધુ ૫ મિનીટ ધીમા ગેસે થવા દેવું.

સ્ટીમર માથી ટીન કાઢી લો ને એકદમ ઠંડું થાય પછી જ ટીન માથી કાઢો.

હવે કડાઈમાં તેલ ગરમ કરો અને તેમાં રાઇ નાખો, જ્યારે તે ફૂટે પછી લીમડા ના પાન, ઉભા કાપેલા લીલા મરચા, હિંગ અને પાણી ઉમેરો.