લીલા કાંદાના પૂરણ માટે
એક નૉન-સ્ટીક પૅનમાં તેલ ગરમ કરી તેમાં જીરૂ મેળવો.
જ્યારે દાણા તતડવા માંડે, ત્યારે તેમાં લસણ અને લીલા મરચાંની પેસ્ટ મેળવી સારી રીતે મિક્સ કરી મધ્યમ તાપ પર થોડી સેકંડ સુધી સાંતળી લો.
તે પછી તેમાં લીલા કાંદાનો સફેદ ભાગ મેળવી મધ્યમ તાપ ૧ થી ૨ મિનિટ સુધી સાંતળી લો.
તે પછી તેમાં લીલા કાંદાનો લીલો ભાગ અને મીઠું મેળવી, સારી રીતે મિક્સ કરી, મધ્યમ તાપ પર વધુ ૧ મિનિટ સુધી સાંતળી લો.
આમ તૈયાર થયેલા પૂરણના ૪ સરખા ભાગ પાડી બાજુ પર રાખો.

આગળની રીત
કણિકના ૮ સરખા ભાગ પાડી લો.
દરેક ભાગને ગોળાકારમાં સૂકા ઘઉંના લોટની મદદથી વણી લો.
આમ વણેલી રોટીને સપાટ સૂકી જગ્યા પર મૂકી તેની પર પૂરણનો એક ભાગ પાથરી લો.
તેની પર વણેલી બીજી એક રોટી મૂકી તેની બાજુઓ સખત રીતે બંધ કરી લો.
આમ તૈયાર થયેલા પરોઠાને એક ગરમ નૉન-સ્ટીક તવા પર થોડા તેલની મદદથી તેની બન્ને બાજુઓ ગોલ્ડન બ્રાઉન થાય ત્યાં સુધી શેકી લો.
રીત ક્રમાંક ૨ થી ૫ પ્રમાણે બાકીના ૩ પરોઠા પણ તૈયાર કરી લો.
ગરમ ગરમ પીરસો.