સૌથી પહેલાં તુવેરના દાણાને ચીલી કટરમાં વાટી લો, સાથે આદુ મરચાં, લીલુ લસણ ને પણ વાટી લો, બટાકાને છોલીને આદુની છીણીથી છીણી લો

હવે એક કડાઈમાં વઘાર માટે તેલ ગરમ કરો તેમાં રાઈ હિંગ અને હળદરનો વઘાર કરો અને તેમાં વાટેલા તુવેરના દાણા છીણેલો બટાકો, તલ ઉમેરી દો મીઠું નાખીને ચઢવા દો

વાટેલા દાણા નું મિશ્રણ ચઢી જાય એટલે તેમાં લીંબુનો રસ, ખાંડ, ગરમ મસાલો, કોપરાનું છીણ ઉમેરી દો, છેલ્લે કોથમીર ભભરાવી બરાબર મિક્સ કરી લો

પાલકને સાફ કરી ધોઈ પાણીમાં બે મિનિટ બાફવી ઠંડી કરી પાણી કાઢી મિક્સરમાં ક્રશ કરી લો

હવે એક વાસણમાં ઘઉંનો લોટ લો તેમાં મીઠું બે ટીસ્પૂન, તેલનું મોણ,પાલકની પેસ્ટ અને તુવેરના દાણા નું મિશ્રણ નાખી પરોઠા જેવો લોટ બાંધવો, લોટને પાંચ મિનિટ સુધી રેસ્ટ આપો ત્યારબાદ મિડીયમ સાઈઝના લુવા કરી પરોઠા વણી લો

વણેલા પરોઠાને તવી પર તેલ મૂકી ગુલાબી રંગના શેકી લો, લીલા મસાલાથી ભરપૂર હરાભરા પરોઠા ગળી ચટણી, કોથમીરની ચટણી કે કેચઅપ સાથે ખૂબ જ સરસ લાગે છે