#रेसिपीबुक
काॅलेजमध्ये असतांना सकाळच्या वेळी घाईतच निघणे होत असे त्यामुळे पहिला तास झाला की मधल्या वेळेत लगेच मैञिणींसोबत अंबापेठेतील कोपऱ्यावरच्या त्या घर वजा चाट सेंटर वर जावून मस्त एक प्लेट गिलावडा खाल्ला की मन व पोट दोन्ही भरत असे, मग दुपार पर्यंत भूक ही लागत नव्हती.असा हा अगदी पौष्टीक, चविष्ट गिलावडा म्हणजे अमरावतीच्या खाद्य विश्वाचा राजा.
अमरावतीत राहणारा व येथे येणाऱ्यांनी गिलावडा खाल्ला नाही असे उदाहरण फारच क्वचित.सध्या केंव्हाही व सगळीकडे उपलब्ध असलेला हा गिलावडा पुर्वी फक्त सकाळीच आणि ठराविक ठिकाणीच मिळत असे त्यामुळे शहरातील मोजक्याच ठिकाणी सर्वच स्तरातील खाण्याचे चाहते हा गिलावडा खायला गर्दी करत असत.
जर्मनच्या मोठ्या भांड्यातील पाण्यात सकाळी सकाळी पोहण्याचा सराव करीत असलेले हे गिलेवडे ज्यावेळी ग्राहक मागत त्यावेळी तो गिलेवडेवाला त्याभांड्यातील दोन गिलेवडे काढून त्यातील हलकेच पाणी पिळून काढी व पळसाच्या द्रोणमध्ये त्या दोन गिलेवड्यांवर चमच्याने चिंचेची चटणी, लाल चटणी व हिरवी चटणी अशा पध्दतीने टाकत असे की तिथे उभ्या असलेल्या गिऱ्हाईकाच्या तोंडाला पाणी सुटल्याशिवाय राहत नसे, या सर्वाच्या सोबतीला थोडे दही,बारीक शेवेचा श्रृंगार व बाजूला थोडी लाल तिखट चटणी या सर्व थाटात हा गिलावडा ग्राहकाच्या हाती येई, बनवतांनाच भूक चाळवलेली असल्याने दोन प्लेट शिवाय खाणाऱ्याचे तर पोटच भरत नसे.
तर मग आता वाट कसली बघताय चला अमरावतीचा हा सुप्रसिध्द गिलावडा खायला व त्याची रेसेपी शिकायला सज्ज व्हा.
.......