સૌપ્રથમ એક કૂકરમાં બે બટેટા એક નાનો વાટકો વટાણા અને એક નાનો વાટકો સુધારેલા રીંગણા ને 1/2ચમચી મીઠું 1/2ચમચી હળદર અને પાણી નાખીને બાફી લો. હવે તેમાંથી પાણી દૂર કરી અને બચેલા બાફેલા શાકભાજીને મેશ કરી લો.

હવે એક પેનમાં ચાર ચમચી તેલ ઉમેરો હવે તેમાં કેપ્સિકમ ઉમેરો.અને બે મિનિટ સુધી ચડવા દો ત્યારબાદ તેમાં સમારેલા ટામેટા ઉમેરી દો.

હવે ટામેટાં ચડી જાય ત્યારબાદ તેમાં 1/2ચમચી હળદર, એક ચમચી ધાણાજીરું અને બે ચમચી લાલ મરચું પાઉડર ઉમેરી દો.અને એક નાનો વાટકો પાણી નાખી ને ચડવા દો.

પાવભાજી નો વઘાર કરવા માટે એક નાની વાટકીમાં એક ચમચી લાલ મરચું પાઉડર 1/2ચમચી હળદર અને 1 ચમચી ધાણાજીરૂ ઉમેરી તેમાં બે ચમચી તેલ ઉમેરો અને એક પેસ્ટ તૈયાર કરી લો અને હવે આ પેસ્ટને એક પેનમાં 2 ચમચી તેલ ઉમેરી અને તેમાં ઉમેરી દો એક મિનિટ સુધી ચડવા દો અને ત્યારબાદ તેમાં ધાણા ભાજી ઉમેરી દો અને હવે પ્રથમ તૈયાર કરેલી પાવભાજી તેમાં ઉમેરી દો.

હવે એક લોઢિમાં એક ચમચી તેલ નાખી અને પાવને શેકી લો હવે પાવ ભાજી ને સુધારેલા ટામેટાં અને ડુંગળીની સાથે સર્વ કરો તૈયાર છે પાવભાજી.