સૌપ્રથમ દૂધીના મોટા કટકા કરી કુકર માં ૩ થી ૪ સીટી વગાડી બાફી લેવી અને કુકર ખોલ્યા પછી મેશ કરી દેવી.

બીજી તરફ એક મિક્સર જારમાં મોટું કાપેલું ટમેટું, ડુંગળી, આદુ, લસણ અને લીલું મરચુ નાખી ક્રશ કરી પ્યુરી બનાવી તૈયાર કરી લેવી

હવે એક જાડા તળિયાવાળા વાસણમાં તેલ મૂકી, ગરમ થાય એટલે તેમાં રાઈ, હિંગ અને હળદર નાખી ટમેટાની પ્યુરી નાખી બરાબર સાંતળવી, જ્યાં સુધી તેમાથી તેલ છૂટું નપડે ત્યાં સુધી.

હવે તેમાં મેશ કરેલી દૂધી નાખવી તેમજ બીજા કોરા મસાલા નાખી દેવા અને ભાજીને ખદખદવા દેવી. ૧૦ મિનીટ જેવું.

૧૦ મિનીટ પછી ભાજી માં લીંબુનો રસ અને કોથમીર ભભરાવી દેવી અને એક ડિશમાં કાઢી, ડુંગળી અને લીંબુની સ્લાઈસ થી સજાવટ કરી પાઉં, બ્રેડ કે થેપલા સાથે મજા માણો.