સૌ પ્રથમ બધા જ ઓરિયો બિસ્કિટ ના નાના ટુકડા કરીને મિક્સર જાર મા એડ કરવા, તેમા 2 ચમચી ખાંડ અને 1 કપ દુધ એડ કરી ને બધુ જ ઝીણું દળી લેવું.

તેમા કાજુ, બદામ, અંજીર, અખરોટ આપણી પસંદગી મુજબ એડ કરવા, બધુ જ બરાબર મિક્સ કરી લેવું. કેક નુ બેટર મધ્યમ રાખવું. ત્યારબાદ કેક બનાવવા માટે કેક મોલ્ડ લેવું. તે ન હોય તો નાની તપેલી કે ડિશ લઈ શકો છો. તે મોલ્ડ ને ઘી થી ગ્રીસ કરી લેવું. પછી મોલ્ડમાં બટર પેપર મૂકવું તે ન હોય તો સફેદ કોરો કાગળ પણ મૂકી શકો છો, તેના પર બટર કે ઘી લગાવી દેવું.

હવે કેક ના બેટર માં એક ચમચી ઈનો એડ કરવો. ઈનો પર એક ચમચી દુધ નાખવુ જેથી ઈનો એક્ટિવ થાય પછી મિશ્રણ ને વ્યવસ્થિત રીતે હલાવી દેવું. જેના કારણે કેક નું બેટર થોડું ફૂલી જાશે. પછી તરત જ આ કેકના બેટર ને મોલ્ડ માં કાઢવું.

હવે મોલ્ડ ને પહેલાં થી ગરમ કરવા મૂકેલ તપેલીમાં મૂકી દઈશું. ત્યારબાદ 15 મિનિટ સુધી તેને ગરમ થવા દેવું. ધીમા ગેસે જ ગરમ થવા દેવું. 10 મિનિટ પછી તમે કેક ને ચેક કરી શકો છો. ટૂથપીક ની મદદથી આપડી કેક બરાબર થઈ છે કે નહીં તે ચેક કરવું. ટુથપીક એકદમ ક્લીન બહાર આવે તો સમજવું કે કેક એકદમ સરસ બેક થઈ ગઈ છે.

હવે કેક ને તપેલી માંથી બહાર કાઢી ને 5 થી 10 મિનિટ સુધી ઠંડી થવા દેવી. ઠંડી થાય પછી જ કેક ને બહાર કાઢવી નહીં તો તે ટૂટી જશે. કેક ઠરી ગયા પછી ચપ્પા થી કેક ને મોલ્ડ ની કિનારી થી અલગ કરી લેવું.

મોલ્ડ પર એક ડીશ રાખી ને મોલ્ડ ને ઊંધું કરી લેવું. કેક સરસ રીતે બહાર ડીશ માં આવી જશે. તેના ઉપરથી બટર પેપર ધીરે થી કાઢી લેવું.

છેલ્લે કેક ને સજાવવા માટે ડેરીમિલ્ક ની છીણ ઉપર ભભરાવી દેવી, તેને સજાવટ માટે ચોકલેટ બોલ્સ મૂકવા, તેમજ ક્રીમ ના ફ્લાવર બનાવી ને મૂકવા. તો તૈયાર છે ઓરિયો ડ્રાયફ્રૂટ કેક 😋