સૌપ્રથમ એક કડાઈમાં તેલ લો, તેમાં રઈ,જીરું, હિંગ, ક્રશ કરેલી ડુંગળી અને આદુ મરચાની પેસ્ટ ઉમેરીને સાંતળો. પેસ્ટ બરોબર સંતળાઈ જાય એટલે એક ચમચો પેસ્ટ અલગ કાઢી લો, પછી તેમાં બટાકાનો માવો, સંભાર મસાલા, આમચૂર પાઉડર, ધાણાજીરું, ચપટી હળદર, મીઠું અને કોથમીર ઉમેરીને બધું હલાવી લો. આપણું બટાકાનું સ્ટફિંગ તૈયાર છે

હવે જે અલગ રાખેલી પેસ્ટ છે તેમાં પનીરને હાથથી મસળીને નાખો, તેમાં ચાટ મસાલા, મીઠું, કોથમીર ઉમેરીને સ્ટફિંગ તૈયાર કરો.

હવે ઘઉંનો લોટ લો તેમાં મીઠું, ચપટી હિંગ, ચપટી હળદર અને પાણી થી લોટ બાંધી દો. ત્યારબાદ લોટમાંથી લુઆ બનાવી તેને વળી ને ઉપર બટાકાનું સ્ટફિંગ અને તેની ઉપર પનીરનું સ્ટફીંગ મૂકો અને તેના પરોઠા વણી લો.

પછી તવી ઉપર પરોઠો મૂકીને બે બાજુ તેલ લગાવીને શેકી લો. આપણા પનીર આલુ પરાઠા તૈયાર છે તેને દહીં અને કેચઅપ સાથે સર્વ કરો.