સૌપ્રથમ એક બાઉલમાં ઘઉ નો લોટ લઈ તેમાં પાણી ઉમેરી રોટલી જેવો લોટ મોણ વગર લોટ બાંધવો. લોટને દસ મિનિટ ઢાંકી ને રહેવા દેવું. હવે બટાકા ને કુકર માં પાણી ઉમેરી તેમાં બટાકા ને બે થી ત્રણ સીટી વગાડી લેવું.

ત્યારબાદ બફાય ગયેલા બટાકા ને છોલી તેને મેશ કરી લેવું. હવે એક પેનમાં તેલ મુકી તેમાં વરીયાળી અને ઝીણા સમારેલા લીલાં મરચાં ઉમેરી મિક્સ કરી સાતડી લેવું. હવે તેમાં હળદર, લાલ મરચું,જીરું પાઉડર, ગરમ મસાલો, ચાટ મસાલો અને મીઠું નાખી મિક્સ કરી મેશ કરેલા બટાકા ઉમેરી મિક્સ કરવું.

ત્યારબાદ તેમાં કોથમીર ઉમેરી મિક્સ કરી સાતડી લેવું પછી તૈયાર કરેલા બટાકા ના મિશ્રણ ને બાઉલમાં કાઢી લેવું. હવે ઢાંકી ને રાખેલા લોટ ને મસળી લેવું. તેના લુઆ કરી લેવું.

ત્યારબાદ લુઆ ને ઘઉં ના લોટ નું અટામણ લઈ થોડી જાડી રોટલી વણી તેના પર બટાકા નો માવો મુકી વેડમી ની જેમ માવો ભરી રોટલી વણી તાવી પર તેલ વગર જ શેકી લેવું.

ત્યારબાદ રોટલી શેકાય જાય એટલે તેના પીસ કરી ફરી તાવી માં ઘી મુકી બંને બાજુ ગુલાબી થાય ત્યા સુધી શેકી લેવું. હવે તેના પીસ કરી ઉપર કોથમીર ઉમેરી સવ કરવું.