सर्व प्रथम पापलेट छान कापून स्वच्छ पाण्यात धुऊन काढावी आणि त्याच्या आपल्या आवडीनुसार फोडी करून घ्याव्यात आता या पापलेटला अर्ध्या लिंबाचा रस आणि लसणाची पेस्ट आणि थोडी हळद हे सर्व लावून दहा ते पंधरा मिनिट ते मुरत ठेवावे

दुसरीकडे आपल्याला वाटण करून घ्यायचे आहे, वाटणामध्ये कोथिंबीर, खोबरं,,जिरं धणे, मिरी, लसूण, आलं, आणि पुदिन्याची पानं घेऊन त्याची मिक्सरला छान बारीक अगदी पेस्ट वाटून घ्यावी. कढईमध्ये तेल तापवून त्यामध्ये फोडणीला दोन हिरव्या मिरच्या आणि अर्धा टीस्पून हळद टाकावी मग वाटलेला हिरवा वाटण त्यात ओतावे आणि 4 मिनिटे ते चांगले परतून घ्यावे.

पेस्ट चांगली परतून झाली की मग आपल्या आवडीनुसार त्यात पाणी टाकावे आणि मीठ टाकावे साराला छान उकळी येऊ द्यावी. उकळी आल्यानंतरच त्यामध्ये मॅरीनेट केलेले पापड पापलेटचे तुकडे टाकावेत. मग त्यामध्ये आपल्या आवडीनुसार कोकम टाका आणि मंद आचेवर पापलेट रस्त्यामध्ये छान शिजू द्यावी.

पापलेट तसे पटकन शिजले जातात त्यामुळे सात ते आठ मिनिटात हा रस्सा छान तयार होतो. गरमागरम रस्सा आणि गरमागरम भात या बरोबर खायला खूपच छान लागतो.