સૂકા સફેદ ચણા ને ચોખા પાણીથી ધોઈ ગરમ પાણીમાં પાંચ છ કલાક માટે પલાળી રાખવાના છે. ત્યારબાદ તેમાં મીઠું અને હળદર નાખી કૂકરમાં બાફી લેવાના છે.

એક કડાઈમાં તેલ ગરમ મૂકી તેમાં જીરું, સુકુ લાલ મરચું અને તેજ પત્તા ઉમેરવાના છે. ત્યારબાદ તેમાં આદુ-મરચાની પેસ્ટ ઉમેરવાની છે.

હવે તેમાં ચણાનો લોટ ઉમેરવાનો છે અને શેકી લેવાનો છે ત્યારબાદ તેમાં ટમેટાની પ્યુરી ઉમેરવાની છે. અને તેને બે થી ત્રણ મિનિટ માટે ઉકળવા દેવાની છે.

હવે તેમાં લાલ મરચું પાઉડર, ધાણાજીરું, છોલે મસાલા, હળદર અને મીઠું સ્વાદ અનુસાર ઉમેરવાનું છે. ત્યારબાદ તેમાં બાફેલા સફેદ ચણા ઉમેરી દેવાના છે.

બે-ત્રણ મિનિટ માટે તેને ઉકળવા દેવાનું છે અને પછી કોથમરી ઉમેરી સર્વ કરી શકાય.

મેં તેને આ રીતે પૂરી ની સાથે સર્વ કર્યા છે.