રાજમાને ચોખ્ખા પાણી થી ધોઈ લગભગ છ કલાક માટે પાણીમાં પલાળી રાખવાના છે. ત્યારબાદ તેને કૂકરમાં છ-સાત વીસલ વગાડી બાફી લેવાના છે.

એક કડાઈમાં તેલ ઘી ગરમ મૂકી તેમાં તજ, લવિંગ, જીરું, આખા મરી, સૂકું લાલ મરચું, તમાલપત્ર અને હિંગ નો વઘાર કરવાનો છે.

ત્યારબાદ તેમાં ડુંગળી, લસણ અને આદુ મરચાની પેસ્ટ ઉમેરવાના છે.

ડુંગળી ગોલ્ડન કલરની થાય એટલે તેમાં ટમેટાની પ્યુરી ઉમેરવાની છે. લાલ મરચું પાઉડર, હળદર, ધાણાજીરું, ગરમ મસાલો, છોલે મસાલો અને મીઠું સ્વાદ અનુસાર ઉમેરી બધું બરાબર રીતે મિક્સ કરી લેવાનું છે.

હવે તેમાં બાફીને તૈયાર કરેલા રાજમા બીન્સ ઉમેરી દેવાના છે. બધુ બરાબર રીતે મિક્સ કરી કડાઈને ઢાકી ને ત્રણેક મિનિટ માટે બધું કુક થવા દેવાનું છે.