જલેબી (Jalebi Recipe In Gujarati)

સૌથી પહેલાં મેંદા ના ચાણેલા લોટ માં ઘી અને દહીં નાંખી મીક્ષ કરો. હવે, હુફાંળું પાણી થોડું થોડું ઉમેરી જાડું ખીરું તૈયાર કરો. ગરમી માં આ ખીરાં માં મોટે ભાગે ૧૨-૧૩ કલાક માં આથો આવી જાય છે. જો બહુ ઠંડી હોય તો આથો આવતાં થોડી વધારે વાર લાગે છે. ખીરાં ને ઠાંકી ને ગરમ હોય તેવી જગ્યા પર આથો લાવવા મુકો.

જલેબી બનાવવા ની થોડી વાર પહેલાં ચાસણી તૈયાર કરી લો. એક વાસણ માં ખાંડ ડુબે એટલું પાણી લઈ ગરમ કરવા મુકો. એકતાર થાય ત્યાં સુધી ઉકાળી લો. તેમાં લીંબુ નો રસ ઉમેરી મીક્ષ કરી લો. લીંબુ નો રસ ચાસણી માં crystallization થતાં રોકેસે, અને ચીંતા ના કરસો, એનાંથી ટેસ્ટ માં કોઈ ફેર નહિં પડે. આ કરવું ખુબ જ જરુરી છે. હવે, ચાસણી ગેસ પરથી ઉતારી તેમાં તેમાં ઇલાયચી પાઉડર અને કેસર ઉમેરો, મીક્ષ કરી લો.

એકદમ સરસ આથો આવી ગયો છે. (૧૬ કલાક થયા) સરસ ખીરું તૈયાર થઈ ગયું છે. હવે એમાં ફુડ કલર ઉમેરો. મેં ઓરેન્જ કલર ઉમેર્યો છે. તમે ઇચ્છો તો પીળો કલર પણ ઉમેરી સકો છો. ચાહો તો ચાસણી માં પણ ઉમેરી સકો છો. હું ચાસણી વધે તો એનો બીજી વાનગી માં ઉપયોગ કરું છું, એટલે ચાસણીમાં કલર નથી નાંખતી. સરસ રીતે મીક્ષ કરી લો. હવે,જલેબી બનાવવાની જરા વાર પહેલાં ખીરા માં ઈનો ઉમેરો, બરોબર હલાવી ને સરસ મીક્ષ કરી લો. ઘી ગરમ કરવા મુકી દો અને જલેબી નાં ખીરાં ને એક બોટલમાં ભરી લો. મેં જલેબી પાડવા પ્લાસ્ટિકની બોટલ નો ઉપયોગ કર્યો છે.

હવે, ગરમ ઘી માં જલેબી પાડો. મેં ઘરનું બનાવેલું ઘી લીધું છે. ગેસ મિડીયમ પર રાખો. ગોળ ગોળ ચકરડાં પાડો. પહેલી વાર કરતાં હસો તો શરું માં થોડી બરોબર નહિ પડે, પણ પછી ધીમે ધીમે હાથ બેસી જસે. ચકરી પાડતાં હોય એમ ગોળ ગોળ કરો, અને છેડો વચ્ચે લઈ જઈ બંધ કરો. ઘી ગરમ હસે, એટલે ધ્યાન થી પાડવી. એકદમ થીક બેટર હસે, એટલે બોટલ ને ધીમે ધીમે દબાવી બેટર બહાર લાવવું. બહુ બધું એક સામટું બહાર ના આવે એનું પણ ધ્યાન રાખવું.

હવે, ઘી માં પાડેલી જલેબી ને બંને બાજુ સરસ તળાવા દો.ચાસણી ને બાજુમાં જ રાખો. જલેબી તળાય એટલે કાઢી ને તરત જ હુફાળી ચાસણી માં મુકો. જરા વાર જલેબી ને ચાસણી પી વા દો, અને પછી એને કાઢી ને ગરમ ગરમ જલેબી એન્જોય કરો. આટલા બેટરમાં થી મારે ૩૫ જેટલી મીડીયમ સાઇઝ ની જલેબી બની હતી. એકદમ કી્સ્પી અને જ્યુસી શુદ્ધ ઘી માં બનેલી જલેબી. બનાવતાં બનાવતાં ૪-૫ તો ચાખી લીધી...

ગરમ ગરમ જલેબી પર બદામ પીસ્તા ની કતરણ ઉમેરો અને જલેબી એન્જોય કરો.

ઉંધુયા જોડે ઘરની એકદમ ચોખ્ખા ઘી માં બનાવેલી જલેબી બહુ જ સ્વાદિષ્ટ લાગે છે.