સૌ પ્રથમ આપણે હોમ મેડ કઢાઈ મસાલા બનાવીશું. એની માટે એક પેન ગરમ કરી તેમાં કાશ્મીરી સૂકા લાલ મરચા, આખા કાળા મારી, જીરું, આખા સૂકા ધાણા અને તજ ઉમેરી ધીમા ગેસ ની આંચ પર ડ્રાય રોસ્ટ કરી લો. હવે આ ખડા મસાલા ને ઠંડા કરવા મૂકી દો. ને ઠંડા થાય એટલે મિક્સર જારમાં પાઉડર ફોમ માં પીસી લો.

હવે ગ્રેવી બનાવીશું. એની માટે એક પેન માં તેલ અને બટર ઉમેરી ગરમ કરી તેમાં તમાલપત્ર અને જીની સમારેલી ડુંગળી ઉમેરી ડુંગળી થોડી બ્રાઉન થાય ત્યાં સુધી સોત્તે કરી લો.

હવે આમાં આદુ + લસણ ની પેસ્ટ ઉમેરી થોડી વાર સોટે કરી તેમાં કાશ્મીરી લાલ મરચું પાઉડર અને ઝીણા સમારેલા ટામેટા ઉમેરી ગેસ ની સ્લો આંચ પર ઢાંકણ ઢાંકી ટામેટા થોડા સોફ્ટ થાય ત્યાં સુધી કૂક કરી લો.

ત્યાર બાદ આમાં હળદર પાઉડર, ધાણા જીરું પાઉડર અને મીઠું ઉમેરી મિક્સ કરી આમાં ફ્રેશ ટામેટા ની પ્યુરી અને પાણી ઉમેરી મિક્સ કરી ગેસ ની સ્લો આંચ પર કૂક કરી લો. હવે આ ગ્રેવી ને એક બાઉલ માં કાઢી ઠંડી કરવા મૂકી દો.

હવે આપણે પનીર ને બીજા સબ્જી ને તેલ મા રોસ્ટ કરીશું. તેની માટે એક પેન માં તેલ ગરમ કરી તેમાં ડુંગળી, રેડ, યેલો અને ગ્રીન કેપ્સીકમ અને પનીર ઉમેરી ઉપર મીઠું અને હોમ મેડ કઢાઈ મસાલો સ્પ્રિંકલ કરી મીડીયમ ગેસ ની આંચ પર ટોસ્ટ કરી લો.

હવે આપણી ગ્રેવી ઠંડી થઇ ગઇ છે. તો આને મિક્સર જારમાં ઉમેરી પેસ્ટ ફોમમાં પીસી લો. ને આ પેસ્ટ ને એક ગરમ પેન મા ઉમેરો ને ગેસ ની આંચ સ્લો રાખો.

હવે આ પેસ્ટ માં રોસ્ટ કરેલા બેલપેપર્સ, ડુંગળી અને પનીર ઉમેરો ને હળવા હાથે મિક્સ કરી લો. હવે આમાં કસૂરી મેથી અને લીલી કોથમીર ના પાન ઉમેરી બરાબર મિક્સ કરી ગેસ ની આંચ બંધ કરી લો.

હવે આપણી એકદમ સ્વાદિષ્ટ ને રેસ્ટોરન્ટ સ્ટાઈલ કઢાઈ પનીર તૈયાર છે સર્વ કરવા માટે. આ સબ્જી પર લીલી કોથમીર ના પાન અને રોસ્ટ કરેલા પનીર, બલ્પેપર્સ અને ડુંગળી ઉમેરી ગાર્નિશ કરો.