સૌ પ્રથમ એક પેનમાં તેલ ગરમ કરી તેમાં થોડા થોડા પનીર નાં ટુકડા ઉમેરી હલકા બ્રાઉન થાય ત્યાં સુધી રોસ્ટ કરી તરત જ હુંફાળા ગરમ પાણી માં ઉમેરી દો. જેથી પનીર સબ્જી બને ત્યાં સુધી સોફ્ટ જ રહે.

હવે એ જ પેન મા સૂકા આખા ધાણા, તજ નો ટુકડો, સૂકા આખા લાલ મરચાં, લસણ, આદુ, લીલા મરચા મોટા સમારેલા અને તમાલપત્ર ઉમેરી સોતે કરી લો. હવે આમાં ડુંગળી ઉમેરી 3 થી 4 મિનિટ માટે થોડી પિંક કલર ની થાય ત્યાં સુધી કૂક કરી લો

હવે આમાં ટામેટા અને મીઠું ઉમેરી હાઈ આંચ પર કૂક કરી લો. ત્યાર બાદ આમાં કાજુ ઉમેરી સોતે કરી એમાં પાણી ઉમેરી ઢાંકણ ઢાંકી ટામેટા સોફ્ટ થાય ત્યાં સુધી કૂક કરી લો. હવે આ મિશ્રણ ને ઠંડું કરવા મૂકી દો. ત્યાર બાદ આ મિશ્રણ ને મિક્સર જારમાં ઉમેરી ક્રશ કરી પ્યોરી બનાવી લો. (આ પ્યોરી ને તમે ફ્રીઝર માં રાખી ને સ્ટોર કરી સકો છો ને ગમે તે પંજાબી શાક માં વાપરી સકો છો)

હવે આપણે વઘાર કરીશું. એની માટે બીજા પેન મા તેલ ગરમ કરી તેમાં જીરું ઉમેરી તતડે એટલે આમાં કાશ્મીરી લાલ મરચું પાઉડર, ધાણા જીરું પાઉડર, હળદર પાઉડર અને બેસન ઉમેરી લગાતાર ચલાવતા જઈ બેસન ને રોસ્ટ કરી લો.

હવે એમાં બનાવેલી પ્યોરી ઉમેરી મિક્સ કરી 3 થી 4 મિનિટ માટે મસાલો સુકાય એટલે આમાં પાણી ઉમેરી મિક્સ કરી ધીમા ગેસ ની આંચ પર મસાલો તેલ છોડે ત્યાં સુધી ઢાંકણ ઢાંકી કૂક કરી લો.

હવે આમાં કસૂરી મેથી હાથ થી મસળી ને ઉમેરી મિક્સ કરી લો. તે પછી આમાં ફ્રોઝન લીલા વટાણા ઉમેરી મિક્સ કરી લો. હવે એમાં રોસ્ટ કરેલા પનીર ઉમેરી મિક્સ કરી 1 થી 2 મિનિટ માટે લગાતાર હલાવતા રહી ઢાંકણ ઢાંકી 3 થી 4 મિનિટ માટે સ્લો ગેસ ની આંચ પર કૂક કરી લો. ત્યાર બાદ ગેસ બંધ કરી આમાં ગરમ મસાલો, મટર પનીર મસાલો અને લીલી કોથમીર ના પાન ઉમેરી મિક્સ કરી લો.

હવે આપણી એકદમ રેસ્ટોરન્ટ સ્ટાઈલ શાહી મટર પનીર મસાલા તૈયાર છે સર્વ કરવા માટે.