સૌપ્રથમ સરગવાની શીંગ સારી રીતે ધોઈ કોરી કરી લૂછી લ્યો
તેના માપસરના ટુકડા કરી લ્યો.
કૂકરમાં ૧ સિટી સુધી મીઠું નાખી બાફી લ્યો.
ચણાના લોટને ધીમા તાપે સેકી લ્યો.

એક કડાઈમાં વઘાર માટે તેલ ગરમ થવા મુકો
તેલ ગરમ થઇ એટલે રાયજીરુ ઉમેરો
રાઈ તતડે એટલે ચપટી હિંગ ઉમેરી શીંગના ટુકડા ઉમેરો
ત્યારબાદ બધા મસાલા કરી લ્યો,મીઠું નાખ્યા બાદ જ
એક વાટકી મોળી છાશ ઉમેરો,ખાંડ ઉમેરો.
બધું હલાવી સરખી રીતે મિક્સ કરી લ્યો.

મસાલા શીંગ સાથે એકરસ થઇ જાય એટલે તેમાં
ચણાનો સેકેલો લોટ ઉમેરો.લોટ સ્વાદમુજબ ઉમેરવો
ઘણા બહુ વધારે ઉમેરે છે,ભાવતુ હોય તે રીતે ઉમેરવું
શીંગ હળવે હાથે હલાવી બધું સારી રીતે મિક્સ કરી લ્યો.
હલાવતી વખતે શીંગ ભાંગી ના જાય તે ખાસ જોવું
બધું એકરસ થઇ ચડી જાય એટલે ગેસ બન્દ કરી દેવો.

તો તૈય્યાર છે સરગવાનું લોટવાળું શાક.
જેને લીલાંલસણ અને કોથમીર ભભરાવી પીરસો.
આ શાક રોટલી,દાળભાત સાથે ખુબ જ સારું લાગે છે