સૌપ્રથમ સરગવાની શીંગ ને પાણીથી ધોઈ ને એક આંગળી જેટલી કટ કરી લેવી.

ત્યારબાદ સરગવાની શીંગ ને કૂકરમાં જરૂર મુજબ પાણી મુકી તેને બાફી લેવી.

શીંગ બફાઈ જાય એટલે તેમાંથી પાણી નિતારી લેવું. ત્યારપછી ચણાનો લોટ લઈ તેમાં બધાં મસાલા, ખાંડ, મીઠું, ઉમેરી લોટ તૈયાર કરો.

મારી પાસે માસલવાળું ખમણ તૈયાર હતું એટલે મેં તેનો પણ ઉપયોગ કર્યો છે. હવે એક કડાઈમાં ૨ પાવરા તેલ મૂકી,તેલ ગરમ થાય એટલે તેમાં ચપટી હિંગ ઉમેરી તેમાં સરગવાની શીંગ ઉમેરો. ત્યારબાદ તેમાં મસાલા વાળો ચણાનો લોટ છાંટી તેને હળવા હાથે હલાવો. ત્યારપછી તેમાં માસલવાળું ખમણ છાંટો. તો તૈયાર છે ચણાના લોટવાળું સરગવાની શીંગ નું શાક.