सर्वप्रथम एका बाऊलमध्ये कोबी आणि कांदा घालून व्यवस्थित मिक्स करून घ्यावे.

आता त्यात हिरव्या मिरच्या, आले-लसूणपेस्ट, ओवा, धणे, जीरे, हळद, तिखट, धणे-जिरेपूड, चवीनुसार मीठ घालून सर्व साहित्य हाताने व्यवस्थित मिक्स करून घ्यावे.

आता ह्यामध्ये बारीक चिरलेली कोथिंबीर, बेसन, तांदळाचे पीठ घालून सर्व साहित्य परत एकदा मिक्स करून घ्यावे. (ह्या पकोडेच्या मिश्रणामध्ये पाणी घालायची अजिबात गरज नाही आहे)

शेवटी पकोडेच्या मिश्रणात गरम तेल टाकून मिश्रण छान एकजीव करून घ्यावे. आता पकोडे तळायला रेडी आहे.

एका कढईत तेल तापायला ठेवावे. तेल तापल्यावर हाताने छोटे-छोटे गोलाकार पकोडे तेलात घालावे. मध्यम आचेवर दोन्ही बाजूंनी गोल्डन-ब्राऊन होईपर्यंत तळून घ्यावेत.

सर्व्हिंग प्लेट मध्ये गरमागरम आणि कुरकुरीत कोबी पकोडे ग्रीन चटणी सोबत सर्व्ह करावे.