સૌપ્રથમ ઢોકળીયા માં તેલ લગાવી ગ્રીસ કરેલી થાળી મીડિયમ તાપે ગરમ મુકો. હવે ચાળેલો બેસન લઈ તેમાં મીઠું, ખાંડ, લીંબુના ફુલ, હળદર, હીંગ, આદું-મરચાં ની પેસ્ટ નાખી ખીરું બનાવી છેલ્લે તેમાં ઈનો (બ્લૂ પેકેટ) ઉમેરી જરા પાણી ઉમેરી એક જ દિશામાં ફીણી લો.

હવે મીશ્રણ ને ગરમ મુકેલી થાળીમાં પાથરી ૨૦ મિનિટ થવા દો.થઈ જાય એટલે થોડી વાર ઠંડું થાય પછી કાપા પાડી લેવા.

હવે વઘાર માટે એક કઢાઈમાં તેલ મૂકી તેમાં રાઈ, જીરું, મીઠા લીમડાના પાન, લીલાં મરચાં ઉમેરી પાણી નાખી ખાંડ ઉમેરી ઉકળે એટલે ખમણ માં ઉમેરી ૧૦ મિનિટ રેસ્ટ આપો.છેલ્લે સમારેલી કોથમીર થી ગાર્નિશ કરી કેરીની ચટણી તેમજ રાજકોટ ની ચટણી સાથે સર્વ કરો. તૈયાર છે નાયલોન ખમણ 😋😋😋😋

રાજકોટ ની ચટણી માટે મિક્સર જાર માં દાળિયા,શીંગદાણા, લીલાં મરચાં, આદું, મીઠું,લીંબુ,ખાંડ અને થોડું પાણી ઉમેરી ક્રશ કરવું.