બટાકાને બાફીને ઠંડા કરો.પછી તેને મોટા બાઉલમાં છીણી લો. તેમાં મીઠું, તજ, મરી અને લવિંગનો ભૂકો,લીંબુનો રસ, ગરમ મસાલો, હળદર,લાલ મરચું, ખાંડ, આદુ-મરચા-લસણની પેસ્ટ નાખી બધું મિક્સ કરો.હવે મિશ્રણના ગોળા વાળી દો.

ઘઉંના લોટમાં તેલ અને મીઠું નાખી પરોઠા જેવો લોટ બાંધો. ત્યારબાદ લુવાને ગોળ વણી તેમાં બટાકાનો માવો મૂકી ગોળ વાળી અટામણ લઈ હલકા હાથે પરોઠું વણી લો.

ગેસ ચાલુ કરી તવો મૂકી પરોઠા ધીમા તાપે બ્રાઉન થાય ત્યાં સુધી શેકી લો. શેકાઈ જાય પછી તેને ડીશ માં મુકો. તેના ઉપર બટર લગાવી દો. એક પછી એક બધા જ પરોઠા આ રીતે તૈયાર કરી શેકી લેવા.