સૌ પ્રથમ મિક્સ વેજીટેબલ ને પાણી થી સાફ કરી ને તેને મિડિયમ સ્કેવર માં કટ કરી લેવાં. ઊંધિયા માટે ની બધી જ સામગ્રી તૈયાર કરી લેવી. અહીં સાઇડ માં મૂઠિયાં નો લોટ બાંધી ને મૂઠિયાં અને રવૈયા ને પણ વચ્ચે થી ચાર કટ કરી મસાલો ભરી ને ઢોકળીયા ના કૂકરમાં ૨૦ મિનિટ માટે સ્ટીમ કરવા મૂકી દીધા હતા... મિક્સ વેજીટેબલ ને પણ કૂકરમાં લઈ ને જરૂર મુજબ પાણી ઉમેરી ૧ સીટી વગાડી લેવી..

હવે એક પેનમાં સીંગતેલ લઈ તેમાં જીરું,તલ, હીંગ, લાલ આખાં મરચાં ઉમેરો.ત્યારબાદ તેમાં લસણ મરચા ક્રશ કરેલા, ડુંગળી અને ટામેટાને ઉમેરીને સાંતળી લો.. હવે તેમાં હળદર, લાલ મરચું પાઉડર,ગરમ મસાલો, ધાણાજીરું પાઉડર, ઊંધિયા નો મસાલો ઉમેરો.. ત્યારબાદ તેમાં લીલી ડુંગળી અને લીલું લસણ અને બોઇલ મિક્સ વેજીટેબલ ઉમેરીને મિક્સ કરી લેવું.. મીઠું સ્વાદાનુસાર ઉમેરો.

ઊંધિયા માં ઉપર થી વરીયાળી,કિસમિસ, સ્ટીમ કરેલા મૂઠિયાં અને રવૈયા ને ઊમેરી લેવાં.જરૂર મુજબ પાણી ઉમેરી હલકા હાથે થી બધું જ બરાબર મિક્સ કરી લેવું અને તેલ છુટું પડે ત્યારબાદ ગેસ ની ફ્લેમ ઓફ કરી લેવી.

ઊંધિયા માં ઉપર થી કોથમીર અને લીલું લસણ ઉમેરી લો. ઊંધિયા ને જનરલી પૂરી અને જલેબી સાથે સર્વ કરી શકાય છે...પણ મેં અહીં મેથી, જીરા,અજવાઇન ના પરોઠા સાથે તેને સર્વ કર્યું છે... જેનું કોમ્બિનેશન પણ ખૂબ જ સરસ લાગે છે.

વિશેષ નોંધ: મેં અહીં મૂઠિયાં અને વેજીટેબલ ને બોઇલ કરી ને લીધાં છે. તમે તેને ફ્રાય કરી ને પણ લઈ શકો છો..