સૌ પ્રથમ બટાકા, કન્દ અને રતાળુની છાલ ઉતારીને મોટા ટુકડામાં સમારી લો. સાથે પાપડી, વટાણા, તુવેર અને લીલાં ચણાને સાફ કરી લો. ટામેટાં, મેથીની ભાજી અને કોથમીરને ઝીણી સમારી લો. આદું-મરચાં-લસણને વાટી લો.

કૂકરમાં લીલા વટાણા, ચણા, લીલી તુવેરના દાણા અને પાપડી, પાણી, મીઠું અને સોડા નાખીને એક સીટી વગાડી લો.

મુઠીયા માટે ઉપર મુજબની સામગ્રીને મિક્સ કરી અડધો કપ પાણી ઉમેરીને મીડીયમ કઠણ લોટ બાંધી લો. તેમાંથી મુઠીયા વાળી લો અને મધ્યમ તાપે તળી લો.

હવે મુઠીયાને ગરમ પાણીમાં ૫ મિનીટ પલાળી રાખીને એક બાઉલમાં કાઢી લો.

ત્યારબાદ તૈયાર કરેલા લોટને રીંગણ અને મરચાંમાં ભરી લો.

અને પછી રીંગણ અને મરચાં ને ગરમ તેલમાં મિડીયમ ફ્લેમ પર તળી લો.

સાથે બટાકા, કન્દ અને રતાળુ પણ તળી લો.

હવે જાડા તળિયાવાળા વાસણમાં ૧ કપ તેલ ગરમ કરીને તેમાં સૂકા લાલ મરચાં, તમાલપત્ર, લવિંગ, અજમો અને હીંગ નાખી હલાવી લો. પછી તેમાં બાફેલી પાપડી, ચણા, તુવેર, વટાણા, ટામેટાં, મીઠું અને આદુ,મરચાં,લસણની પેસ્ટ ઉમેરીને બરાબર મિક્સ કરી લો.

ત્યારબાદ સૂકા મસાલા ઉમેરીને તેમાંથી તેલ છુંટું પડે ત્યાંસુધી સાંતળો. ૧ કપ ગરમ પાણીને મિક્સ કર્યા બાદ તળેલાં રીંગણ, બટાકા, કંદ, રતાળુ, મરચાં અને લીલું લસણ નાખી સાંતળો.

અડધો કપ પાણી, લીંબુનો રસ, મીઠું અને ખાંડ નાખી ઢાંકીને ચડવા દો. ૧૦મિનીટ બાદ તેમાં મુઠીયા નાખીને મિક્સ કરીને ૫ મિનીટ બાદ ગેસ બંધ કરી દો.

હવે, ઉપરથી બીજો વઘાર કરવા માટે વઘારીયાંમાં તેલ ગરમ કરી તેમાં સૂકા લાલમરચા, અજમો, તલ, હિંગ, મરચું પાઉડર અને ઉંધીયાનો મસાલો નાખી મિક્સ કરીને ઊંધિયા પર રેડો અને સાથે કોથમીર ઉમેરી મિક્સ કરી લો.

તેના પર કોથમીર, લીલું લસણ, તલ, ટોપરાનું ખમણ છાંટી લો. તો ઊંધિયું સર્વ કરવા માટે તૈયાર છે.