સૌ પ્રથમ અડદની દાળ અને ચોખાને ધોઈ અને અલગ-અલગ પાણીમાં ચાર કલાક માટે પલાળવા. મેથીદાણા અડદની દાળ સાથે જ પલાળવા. ત્યારબાદ આ બંને મીક્ષરમાં પીસી લેવું.અને ૫ કલાક માટે ઢાંકીને મૂકી રાખો.ત્યારબાદ આથો આવી જાય એટલે ઈડલી મેકરમાં ઈડલી બનાવી લેવી.

સંભાર
બધી જ દાળને ધોઈને કુકરમાં ૨ કપ પાણી નાખી બાફી લો.એક પેનમાં તેલ ગરમ કરો.રાઈ, સુકા લાલ મરચાં, મીઠી લીમડી, તમાલપત્ર, લવિંગ, તજનો વઘાર કરી ડુંગળી નાખી સાંતળો. ત્યારબાદ ટામેટા નાખી સાંતળો.હવે તેમાં લાલ મરચાં પાઉડર, હળદર નાખી મિક્સ કરી તેમાં બાફેલી દાળ નાખો.જરૂરિયાત મુજબ પાણી એડ કરો.સરગવાની સીંગના કટકા નાખી દો.હવે મીઠું, ધાણાજીરુ,સંભાર મસાલો નાખો.ધીમા તાપે ઉકાળો.ઘટ્ટ, સુગંધીદાર સંભાર તૈયાર થાય એટલે લીલા ધાણા નાખી ગેસ ઓફ કરી દેવો.

નારીયેળ ની ચટણી
એક વઘારીયા માં તેલ ગરમ કરો.હવે તેમાં મીઠી લીમડી,ચણાની દાળ,૧ સુકું લાલ મરચું નાખી શેકી લો.ઠંડુ પડવા દો.એક બાઉલમાં દહીં નાખીને તેમાં મીઠું, નારીયેળ નું છીણ, લીલા ધાણા નાખી મિક્સ કરી લો.મીકસરમાં આ દહીં, શેકેલ ચણા દાળ પીસી ચટણી તૈયાર કરો.અને ઈડલી સંભાર ચટણી ની મજા માણો.