સૌપ્રથમ સાબુદાણા ને ધોઈ અને 2 કપ પાણી નાખી 3 કલાક માટે પલાળી રાખો.પનીર છીણી લો. છીણેલા પનીરમાં મીઠું, બારીક સમારેલા લીલા મરચાં, લીલા ધાણા, જીરુ નાખી નાના ગોળા વાળી લો.હવે સાબુદાણા ને પેપર નેપકીન પર પાથરી કોરા કરી લેવા.એક બાઉલમાં સાબુદાણા, બટાકા, શીંગદાણા નો ભૂકો, તથા સામગ્રીમાં દર્શાવ્યા પ્રમાણે તમામ મસાલા એડ કરો.

બધું બરાબર મિક્સ કરો.તેમાંથી એક ગોળો લઈ નાની પૂરી જેવું બનાવી લેવું.તેની ઉપર પનીરનો ગોળો મૂકો.બધી બાજુથી બંધ કરી ગોળો વાળી લો.

અપ્પમ પેનની કેવિટીમાં 1/2 ચમચી તેલ નાખી ગરમ થાય એટલે તેમાં તૈયાર કરેલા ગોળા મૂકી દેવા.2 મિનિટ માટે ઢાંકીને મૂકી રાખો.

ગોલ્ડન બ્રાઉન, ક્રીસ્પી થાય ત્યાં સુધી ગેસ ઉપર રાખવા.સાઈડ ચેન્જ કરી શેકી લો.

ગરમા ગરમ સાબુદાણા બોલ્સ ગ્રીન ચટણી સાથે સર્વ કરો.