પિઝ્ઝા ગોલગપ્પા બનાવવાની બધી સામગ્રી તૈયાર રાખવી.પાણીપુરી તૈયાર મળે છે. મેં બારીક રવા ની પૂરી ઘરે જ બનાવી છે.હવે એક પેન મા બે ચમચી તેલ ગરમ કરવું.તેમાં સમારેલા કાંદા,સમારેલા રેડ પેપર,યેલો પેપર,ગ્રીન કેપ્સીકમ અને બાફેલા કોર્ન નાખી તેજ આંચ પર એક થી દોઢ મિનિટ સાંતળવું.હવે તેમાં સ્વાદ મુજબ મીઠું નાખી,બરાબર મિક્સ કરી લેવું.ગેસ બંધ કરી મિશ્રણ એક બાઉલ માં કાઢી લેવું.ઠંડુ થવા દેવું.

આ મિશ્રણ માં હવે બધા મસાલા નાખવા.પિઝ્ઝા સિઝનીંગ, ઓરીગેનો,રેડ ચીલી ફ્લેક્સ,બે ટેબલસ્પૂન મોઝરેલાં ચીઝ નાખી બરાબર મિક્સ કરવું.પિઝ્ઝા નું સ્ટફિંગ તૈયાર છે.હવે પૂરી માં વચ્ચે થી જરાક ફોડી, તેમાં બે ચમચી પિઝ્ઝા નું સ્ટફિંગ ભરવું.આખી પૂરી ભરાય તેટલું ભરવું.પછી તેના પર ગ્રેટ કરેલું ચીઝ મૂકવું.તેના પર ઓરીગેનો અને રેડ ચીલી ફ્લેક્સ સ્પ્રિંકલ કરવા.આ રીતે બધી પૂરી તૈયાર કરવી. માઇક્રોવેવ સેફ ડિશ માં મૂકી ત્રીસ સેકંડ માટે માઇક્રોવેવ કરવું અથવા ચીઝ પીગળી જાય ત્યાં સુધી કરવું.

ચીઝ પીગળી જાય એટલે માઇક્રોવેવ માંથી બહાર કાઢી ગરમ ગરમ પિઝ્ઝા ગોલગપ્પા પીરસવા.