પાઉભજી મારા ઘરે બનતી રીત પ્રમાણે ફક્ત ૪૫ મિનિટ માં તૈયાર થયી જાય છે. સૌ પ્રથમ કુકર માં ફ્લાવર વટાણા અને બટેટા છોલી ને બાફવા મૂકી 3 સિટી વગાડવી.કુકર થાય ત્યાં સુધી માં કાંદા અને લસણ ને મિક્ષચર માં પીસી ને કઢાયી માં બટર મૂકી ગ્રેવી વધારવી. એ ગ્રેવી સંતળાય ત્યાં સુધી જાર માં ટામેટાં ની ગ્રેવી કરવી હવે ટામેટાં ની ગ્રેવી નાખી ને સાંતળવી. હવે તેમાં સેજ મીઠું નાખવું જેથી ગ્રેવી જલ્દી સંતળાયી જાય

કુકર ખોલી તેમાંનું વધારાનું પાણી એક અલગ વાસણ માં કાઢી બાજુમાં મૂકવું હવે બાફેલા શાક ને પોટેટો સ્મેશર થી સ્મેશ કરવા.પછી આ સ્મેશ કરેલું શાક સાંતળેલી ગ્રેવી માં ઉમેરવું અને મરચું સ્વાદનુસાર મીઠું તેમજ ગરમ મસાલો નાખી ભાજી ને સિજવા દેવી જ્યાં સુધી ગ્રેવી અને ભાજી એકરસ ન થયી જાય. ગેસ બંધ કર્યા પછી તેમાં થોડો લીંબુ નો રસ અને કોથમીર ઉમેરવા.

સર્વ કરવા માટે પાઉં ને વચ્ચે થી કટ કરવું બે ભાગ છુટ્ટા પાડવા ની અને તવા પર બટર મૂકી શેકવા હવે જે તવા પર પાઉં શેકયા હોય એજ તવા પર પાપડ શેકવું જેથી એમાં પણ બટર નો ટેસ્ટ આવી જાય છે. એક ડીશ માં ભાજી મૂકી તેના પર જીણા સમારેલા કાંદા અને કોથમીર નાખી લીંબુ નો રસ નાખવો અને શેકેલા પાઉં તથા પાપડ સાથે સર્વ કરો તો તૈયાર છે ચટપટી અને મસ્ત તીખી પાઉં ભાજી સર્વ કરવા માટે.😋😋