સૌપ્રથમ તપેલીમાં તેલ ગરમ મુકી તેમાં જીરું નાખો. જીરું તતડી જાય એટલે હિંગ નાખો, લિલા મરચા નાખો અને પાણી ઉમેરો. પછી પાપડીયો ખારો તથા મીઠું નાખી ઢાંકી દયો. પાણી ખૂબ ઉકળે એટલે તેમાં ચોખાનો લોટ ઉમેરો.ખૂબ હલાવો પછી લોટની કણી ન રહે તે રીતે હલાવી ઉતારી લો.

ઠંડુ થતા તેલથી કેળવી લ્યો. ત્યારબાદ સેવના સંચામાં એ કણક ભરી લ્યો. હવે તપેલીમાં ગરમ પાણી મૂકી કાંઠો મુકો. હવે એક નાની પ્લેટમાં તેલ લગાવી સંચાથી નુડલ્સ પાડી લ્યો અને પ્લેટ ગરમ પાણીની તપેલીમાં કાંઠા પર મૂકી દયો. અને ઢાંકી દયો.

3 થી 4 મિનિટમાં નુડલ્સ બફાઈ જાય એટલે પ્લેટ બહાર કાઢી તેના પર લાલ મરચું છાંટી લિલી ચટણી,લસણની ચટણી,દહીં, ટમેટો સોસ/સોયા સોસ અને તેલ સાથે ગરમાગરમ પીરસો.(ચટણી,દહીં, સોસ અને તેલ નુડલ્સ ઉપર પ્રસરાવી ખાઈ શકાય અથવા એકલી પણ ખાઈ શકાય)