સૌપ્રથમ બાજરાનો લોટ ચાળી લો.પછી તેમાં મીઠું મરચું હળદર અને સફેદ તલ ચપટી હિંગ પછી તેમાં ગોળ કેરી થોડોક રસ નાખો.અને ખાટાં અથાણા નો સંભાર નાખવો એટલે ખટાસ અને ગળપણ સરસ થશે.પછી છાસ ની પરાસ લોટ બાંધી દેવો લોટ સહેજ ઢીલો રાખો. એક કલાક પલળવા દેવો પછી તેના નાના નાના લૂઆ કરી ચપટા દબાવી દેવા. પછી એક લોયામાં તેલ મૂકો તેલ ગરમ થાય પછી વડા નાખી દેવા એક મિનિટ રાખી તરત જ ફેરવી લેવા. ફટાફટ ફેરવતા જવું સહેજ આછા ગુલાબી થાય એટલે કાઢી લેવા બાજરીના લોટના ટેસ્ટી વડા તૈયાર.

સૌપ્રથમ પૌવા નો ચેવડો બનાવવા માટે અઢીસો ગ્રામ પૌઆ, ૧૫૦ ગ્રામ સીંગદાણા પૌવા ને ચારણીમાં ચાળી લેવા. પછી એક લોયામાં તેલ ગરમ કરવા મુકો.તેને તેલ ગરમ થાય એટલે પૌવા તેલ માં એડ કરો. બધા પૌવા તળાઈ જાય પછી સીંગદાણા પણ તળી લેવા. પછી સહેજ ઠરે પછી એમાં મીઠું મરચું હળદર આમચૂર પાવડર પીસેલી ખાંડ નાખવી તેમજ લીમડો તથા લીલા મરચાં અને તલનો વઘાર કરી ને એડ કરો. એ જ રીતે સીંગદાણા સહેજ ઠરે એટલે તેમાં પણ મીઠું મરચું હળદર અને પીસેલી ખાંડ નાખવી.પછી એ સીંગદાણા પૌવા મા એડ કરી દેવા બની ગયો ટેસ્ટી ચેવડો.