સૌપ્રથમ પાલકની બરોબર સાફ કરી અને ધોઈ લો. પછી એક તપેલીમાં પાણી ગરમ કરીને પાંચ મિનિટ માટે પાલકને બાફી લો. અને ઠંડુ થાય એટલે મિક્સરમાં ક્રશ કરી લો.

હવે ડુંગળી, ટામેટા,લસણ અને લીલા મરચાને નાના ટુકડામાં કાપી લો. હવે આ બધું એક મિક્સરમાં બાઉલ માં લઇ ને ક્રશ કરો.

હવે એક કઢાઈમાં બટર ગરમ કરી તેમાં ડુંગળીની ગ્રેવી નાખી ને બે ત્રણ મિનીટ માટે સાંતળી લો. પછી તેમાં પાલકની ગ્રેવી એડ કરો.

પછી તેમાં મીઠું અને ગરમ મસાલો એડ કરીને બધું બરાબર મિક્સ કરી લો અને બે મિનિટ માટે ઢાંકીને રાખો.

હવે એક કઢાઈમાં તેલ ગરમ કરીને તેમાં પનીરના નાના ટુકડા કરીને બે મિનીટ રાખી તળી લો. અને એક ડીશમાં કાઢીને રાખો.

હવે ઢાંકીને રાખેલા પાલકમાં પનીરના ટુકડા એડ કરીને બરાબર મિક્સ કરી લો. અને સર્વિંગ બાઉલમાં કાઢી ઉપર થી પનીર નાખી ને ગાર્નિશ કરીને સર્વ કરો.... તો તૈયાર છે પાલક પનીર.