ભાજી બનાવવા માટે સૌપ્રથમ બટાટાને અને વટાણા ને પાણી થી ૩ થી ૪ વખત ધોઈ લો.બીટ ની છાલ ઉતારી અને સુધારી લો.હવે આ બધું કુકરમાં પાણી નાખીને બાફી લો.હવે બફાય ગયા બાદ બટાટા ની છાલ ઉતારી લો અંને વટાણા ને બીટ નો પણ સાથે છૂંદો કરી લો.

હવે ટમેટા અને ડુંગળી ને બારીક સમારી લો.આદુ અને લસણ ની પેસ્ટ કરી લો.ત્યારબાદ વઘાર કરવા માટે એક પેનમાં તેલ મૂકી તેમાં ચપટી હિંગ,હળદર નાખી ને આદુ-લસણની પેસ્ટ નાખવી ત્યારબાદ જીણી સમારેલી ડુંગળી નાખવી. ડુંગળી બરાબર સંતળાઈ જાય પછી બારીક સમારેલા ટામેટા નાખો. ડુંગળી અને ટમેટા બરાબર ચડી જાય ત્યારબાદ તેને મેશરની મદદથી એકદમ ક્રશ કરો. ત્યારબાદ તેમાં મરચું પાવડર ધાણાજીરુ પાવડર ગરમ મસાલો પાવ ભાજી મસાલો સ્વાદ અનુસાર નમક સ્વાદ અનુસાર લીંબુ આ બધું નાખી બરાબર મિક્સ કરો. ત્યારબાદ તેમાં તૈયાર કરેલ માવો એડ કરો.

હવે હાર્ટ શેઇપ બનાવવા માટે મેં અહીં wheat બ્રેડ લીધેલી છે.તેને ગ્રીલ સેન્ડવીચ ના મશીનમાં ટોસ્ટ કરી લેવી. એટલી જ ટોસ્ટ કરવી કે જેના હાર્ટ શેપના બાઈટ બની શકે. જો વધારે પડતી ટોસ્ટ થઇ જાશે તો તેના કટકા થઈ જશે અને શેઈપ નહીં આપી શકાય. તો આ બાબતનું ખાસ ધ્યાન રાખવું. તો બ્રેડ ટોસ્ટ થઈ જાય ત્યારબાદ તેમને હાર્ટ શેપ આપવા

હવે આ હાર્ટ પર તૈયાર કરેલી પાવભાજી લગાવો. ત્યારબાદ તેને સર્વિંગ પ્લેટમાં મૂકી તેના પર grated cheese અને ધાણાભાજી થી ગાર્નીશ કરી સર્વ કરો. આ તૈયાર છે લિટલ પાવભાજી હાર્ટસ.‌......