સૌપ્રથમ કૂકરમાં પાણી મૂકી તેમાં બટેટા નાખીને બાફી લેવાં, બટેટા બફાઈ જાય ત્યારબાદ તેને મેશ કરી લેવા. સ્ટફિંગ બનાવવા માટે આદુ-મરચા-લસણની પેસ્ટ કરવી. ટામેટા અને ડુંગળીને બારીક સમારી લેવા, લસણની ટમેટાની ચટણી બનાવવી.

હવે સ્ટફિંગ બનાવવા માટે એક પેનમાં તેલ મૂકો. તેલ ગરમ થઈ જાય ત્યારબાદ તેમાં હિંગ હળદર મૂકવી. ત્યારબાદ તેમાં ડુંગળી નાખવી. ડુંગળી સંતળાઈ જાય ત્યારબાદ તેમાં ટામેટા અને આદુ-મરચા-લસણની પેસ્ટ નાખવી. બધુ એકદમ ચડી જાય ત્યારબાદ તેમાં લસણટામેટા ની ચટણી નાખવી.ત્યારબાદ તેમાં મરચું પાવડર ધાણાજીરું પાવડર મેગી મસાલો ગરમ મસાલો સ્વાદ અનુસાર નમક એડ કરો. ત્યારબાદ તેમાં બટેટાનો લસ નાખવો. હવે આ બધું એકદમ મિક્સ કરી એના પર ધાણાભાજી ભભરાવી અને સ્ટફિંગ તૈયાર કરો.

હવે પરોઠાનો લોટ બાંધવા માટે એક બાઉલમાં ઘઉંનો લોટ લો. ત્યારબાદ તેમાં સ્વાદ અનુસાર નમક, તેલ, કાળા તલ, બારીક સમારેલી ધાણાભાજી, આ બધુ એડ કરી જરૂર મુજબ પાણી એડ કરી અને લોટ બાંધવો. લોટ બંધાઈ જાય એટલે થોડી વાર રેસ્ટ આપી. ત્યારબાદ લોટમાંથી એક લૂઓ લઈ અને મોટી રોટલી વણો.

હવે આ વણેલી રોટલી ઉપર તૈયાર કરેલી લસણ ટામેટા ની ચટણી લગાવો. હાફ રોટી પર તૈયાર કરેલું સ્ટફિંગ પાથરો. ત્યારબાદ તેના પર ચીઝ ભભરાવો. રોટલી ને પેક કરી દો. કોર્નર પરથી એકદમ ચીપકાવી દો.

હવે એક પેનમાં બટર લઇ તેના પર આ પરાઠાને શેકો. એક બાજુ શેકાઈ જાય એટલે પરાઠાને બીજી બાજુ ઢાંકણ ઢાંકી શેકવા ત્યારબાદ વચ્ચેના ભાગમાંથી
ચીપીયાની મદદથી શેકવા જેથી કરીને કાચા ના રહી જાય. તો તૈયાર છે ચીઝી મૈસુર મસાલા સ્ટફ્ડ પરાઠા તેને સર્વિંગ પ્લેટમાં લઇ ડુંગળીની સ્લાઈસ અને ધાણાભાજી થી ગાર્નીશ કરી, ગ્રીન ચટણી, સોસ અને લસણ ટમેટા ની ચટણી સાથે સર્વ કરો.