સૌ થી પહેલાં લોટ ની બધી સામગ્રી ભેગી કરી ઠંડુ પાણી લઈ પરોઠા જેવો લોટ બાંધી લો. અને તેને ઢાંકી ને સાઈડ મા મૂકો.

હવે બધા શાક ને સમારી ને રેડી કરો. એક પેન માં તેલ મૂકી તેમાં ડુંગળી અને કેપ્સીકમ નાખી ને સાંતળો. પછી ત્યારબાદ તેમાં કોબી અને ગાજરના છીણ માં થી પાણી નીચોવી તેને પણ ઉમેરો, ત્યાર બાદ તેમાં મીઠું અને મરી ઉમેરો અને તેને સાંતળો.તૈયાર મસાલાને ઠંડો થવા દો.

લોટ મા થી નાના નાના લુઆ બનાવો અને તેની પૂરી બનાવો અને તેમાં ઠંડો થયેલો મસાલો એક ચમચી ભરો.

પુરીનો એક ખૂણો પકડી અને તેની બાજુમાં બન્ને બાજુ થી ફોલ્ડ બનાવો તેની બાજુમાં એક ફોલ્ડ બનાવો આ રીતે પાંચથી છ ફોલ્ડ બનાવો અને બીજી બાજુ ની કિનારી ની તે ફોલ્ડ સાથે દબાવી દો. અથવા બીજી રીતે ગોળ પણ બનાવી શકાય છે.

આવી રીતે બધા જ મોમો તૈયાર કરો.બધા જ મોમો ને ચારણીમાં તેલ લગાડી ગોઠવી દો અમે તેની દસ મિનિટ સુધી વરાળમાં બાફવા મુકો.

વરાળમાં બફાઈ ગયા બાદ તેનો કલર બદલી જશે તેના પર થોડું બટર લગાવો.અને ગરમાગરમ જ સેઝવાન ચટણી કે ખાટી મીઠી ચટણી સાથે પીરસો.