સૌ પ્રથમ ચોખા ને ૨૦ મીનીટ સુધી પલાળી રાખો.ચોખા પલળી જાય એટલે ભાત બનાવો.ભાત બનાવવા માટે ૨ ગ્લાસ પાણી ગેસ પર મુકો પાણી ઉકળે એટલે ચોખા નાખો હવે તેમાં એક ચમચી તેલ, અને થોડો લીંબુનો રસ મિક્સ કરો.એક એક દાણો છૂટો રહે તેમ ભાત બનાવો.

હવે બધાં જ શાકભાજી ને સુધારો.

ડુંગળી ને સુધારો અને લસણ ને ક્રશ કરો

મરચાં ને સુધારો

હવે કૂકરમાં ૪ ચમચી તેલ મૂકો તેમાં રાઈ, જીરું અને હિંગ નો વઘાર કરો. ત્યાર બાદ સમારેલી ડુંગળી અને લસણ ની પેસ્ટ નાખો.હવે બધા જ શાકભાજી અને સમારેલા લીલાં મરચાં ઉમેરો. મરચું પાવડર, હળદર, ગરમ મસાલો અને સ્વાદ મુજબ મીઠું ઉમેરી કૂકર બંધ કરો. હવે એક સીટી વગાડી ગેસ બંધ કરવો. આ રીતે સબ્જી તૈયાર કરો.

હવે એક કડાઈમાં સૌથી પહેલા ભાત લઈ તેનાં પર તૈયાર કરેલ સબ્જી પાથરો હવે ફરી થી ભાત ને પાથરો અને સૌથી ઉપર સબ્જી પાથરો. તેની ઉપર કાજુ ના ટુકડા મુકો. હવે ધીમાં તાપે ગરમ કરવા મૂકો. તૈયાર છે સ્વાદિષ્ટ વેજીટેબલ બિરયાની.