સુરતી પાપડી, લીલવા,ટીડોરા, બટાકા,કંદ નાં ટુકડા ને ૧/૪ ટી સ્પૂન ખાવાનો સોડા અને મીઠું નાખી ને કુકરમાં ૩ સીટી વગાડી ને સ્ટીમ કરો.(શાકભાજી માં પાણી ન નાખવું)

મેથી ના મુઠીયા બનાવવા માટે સમાગ્રી એક મિશ્રણ બોઉલ માં નાખી ને મિક્સ કરી નાના ગોળ લુઆ બનાવી ને ગરમ તેલમાં સોનેરી રંગના તળવા.

ગ્રીન મસાલા પેસ્ટ બનાવવા માટે બઘી સમાગ્રી મિક્સર જર માં નાખી ને બારીક પીસી લો. આ પેસ્ટ માં અજમો ભેળવી દો.

હવે તવા ઊંધિયું બનાવવા માટે.. રીત.. નોન સ્ટિક તવા ગેસ પર ગરમ કરવા મૂકો (ધીમે તાપમાન પર). એમાં ૪ ટેબલ સ્પૂન/ ૧ મોટો ચમચો..તેલ નાંખવું. ગરમ થાય એટલે ૧ ટેબલ સ્પૂન સફેદ તલ નું વઘાર કરી તેમાં ૧/૨ કપ ગ્રીન મસાલા ની પેસ્ટ નાખી ને ૨ મિનિટ સાંતળો.

હવે ૧ બોઉલ બાફેલા શાકભાજી / પાપડી, લીલવા,ટીડોરા,૪ બટાકા ના ટુકડા,૪ કંદ નાં ટુકડા,૪ મેથી ના મૂઠીયા નાખી ને હળવે હળવે મિક્સ કરી લો.(અગર શાક સૂકો લાગે તો વધુ તેલ ઉમેરો)

ઢાંકણ ઢાંકી ને ૫ મિનિટ ગરમ થવા દો. ગરમાગરમ સ્વાદિષ્ટ તવા ઊંધિયું ઝીણી સમારેલી કોથમીર ભભરાવી ને સર્વ કરો. આવી રીતે જરૂરિયાત મુજબ તવા ઊંધિયું બનાવી શકાય છે.

સ્વાદિષ્ટ તવા ઊંધિયું, પુરી, શ્રીખંડ સાથે સર્વ કરો.